Ujaruk

Kommuneqarfik Sermersuumi helikopterimit sisorartitsinermi akuersissut

Kommuneqarfik Sermersuumi heliskiingertitsinissamut akuersissutinik qinnuteqaqqusineq

Kommuneqarfik Sermersuumi heliskiingertitsinissamut akuersissutit pillugit qinnuteqaammut atortussat maani nassaarineqarsinnaapput.

29.09.2018


Assiliisoq: Frederik Schenholm Visit greenland

Innuttaasut suliffeqarfiillu soqutiginnittut Kommuneqarfik Sermersuumi heliskiingertitsisarnermik kisermaassilluni neqeroorsinnaanermut akuersissummik qinnuteqaqquneqarput.

Kommuneqarfik Sermersooq kommunimut pilersaarummut ilassummi O8-mi katillugit sumiiffinnik 2-nik atugassiisimavoq innuttaasut suliffeqarfiillu soqutiginnittut Tunumi heliskiingertitsisarnermik kisermaassilluni neqeroorsinnaanermut akuersissummik qinnuteqarsinnaaffiannik.

Qinnuteqaqqusissummut ilanngussanullu apeqqutit 11. oktober 2018-inngortinnagu Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut nassiutissapput, uunga: isiin@nanoq.gl.

 

 

Piffissalersuut:

29.09.2018                          Qinnuteqartitsineq https://www.businessingreenland.gl/kl-GL/Udbud/Aktuelle-udbud aamma Sermitsiaq, AG aamma tusagassiorfitsigut allatigut tamanut saqqummiunneqassaaq

11.10.2018                          Qinnuteqaqqusissummut apeqqutinik tigusinissamut piffissaliussaq kingulleq

23.10.2018                          Apeqqutit tiguneqarsimasut akissutaallu tamanut saqqummiunneqassapput. Apeqqutit akissutillu tamarmik Naalakkersuisut.gl-ikkut aamma Kalaallit Nunaanni inuussutissarsiornermut nittartakkakkut tamanut saqqummiunneqassapput

14.11.2018                          Qinnuteqaatit tigunissaannut piffissaliussaq kingulleq

November - December 2018                     Qinnuteqaatit misissorneqassapput.

Januar - Februar 2019         Akuersissutaasunik Naalakkersuisut nalunaaruteqassapput 1. juli 2019-imi atuutilertussanik.

 

Qinnuteqaqqusissut

Matumuuna qinnuteqaqqusissummut matumunga naapertuuttumik qinnuteqaammik nassiussaqarnissamut soqutiginnillutik qinnuteqarumasut qinnuteqaqquneqarput, qinnuteqaqqusissullu makkuninnga imaqarpoq:

  1. Qinnuteqaqqusissut
  2. Sumiiffinnut marlunnut nunap assinga
  3. Kommunip pilersaarutaanut tapiliussaq nr. O8
  4. Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersoq
  5. Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersup allanngortinnissaa pillugu Inatsisartut inatsisaat nr. 15, 3. juni 2015 (Inatsisip atuuffigisaa tammajuitsussarsiorluni aallaaniarnermut akuersissutinut sumiiffikkaanullu pilersaarutinut piginnaatitsissummik ilaqartilerlugu annertusissaaq)

6.      Avatangiisit innarlitsaaliorneqarnissaannik Inatsisartut inatsisaat nr. 9, 22. november 2011-meersup allanngortinneqarnera pillugu Inatsisartut inatsisaat nr. 1, 29. maj 2012-meersoq kiisalu Assartuutit motoorinik ingerlatillit atorneqarneri pillugit Namminersorlutik Oqartussat nalunaarutaat nr. 10, 10. oktober 2013-imeersoq.

7.      Pinngortitamik illersuineq pillugu Inatsisartut inatsisaat nr. 29, 18. december 2003-meersoq

  1. Tammajuitsussarsiorluni piniarnermut akuersissutissamut qinnuteqarnermi immersugassaq

 

Qinnuteqaat faxikkut imaluunniit qarasaasiakkut nassiunneqarsinnaavoq, tamannali ilutigalugu allakkatut tammatsaalisatut nassiussatut imaluunniit e-mailikkut nassiunneqassaaq, aammalu qinnuteqaqqusissumut apeqqutit aamma ilanngussat uunga nassiunneqassallutik:

  • Inuussutissarsiornermut, Suliffeqarnermut Niuernermut Nukissiuuteqarnermullu Naalakkersuisoqarfik, Imaneq 1A 301, Postboks 1601, 3900 Nuuk. Oqarasuaat: (+299) 34 50 00 / Telefax (+299) 34 63 64 E-mail: isiin@nanoq.gl

Qinnuteqaatip suliarinissaanut, suliassanik pilersaarusiornermut il.il. ikiorserneqarnissamut attavigiuk:

Imaluunniit:

  • Visit Greenland A/S, Hans Egedesvej 29, Postboks 1615, 3900 Nuuk. Oqarasuaat: (+299) 342 8 20 E-mail: Info@greenland.com