Ujaruk

Sermimik imermillu Kalaallit Nunanneersumik niuernermik tunngaveqartumik atuinissamut qaaqqusissut

Is og vand

Assiliisoq: Raven Eye Photography


Sermimik imermillu Kalaallit Nunanneersumik niuernermik tunngaveqartumik atuinissamut qaaqqusissut

Kalaallit Nunaanni ingerlatsisut, Naalakkersuisut, Kalaallit Nunaata kitaani sumiiffinni tallimani imermik sermimillu niuernermik tunngaveqartumik atuinissamut pisinnaatitsissutinut ingerlatseqatigiiffiit neqerooruteqaqquai.

Neqeroortitsinermi imermik tarajoqanngitsumik nunarsuup avinnerani avannarpasinnertaani isumalluutit annersaannik, minnerunngitsumillu imermik imigassamik mamarluinnartumik minguilluinnartumillu pissarsisinnaalernissaq pineqarpoq.

Sumiiffik tigooqqaavissaq ataaseq Paamiut eqqaanni inissisimavoq, sumiiffiit marluk Nuup eqqaaniillutik, marlullu Maniitsup eqqaaniillutik.

Sumiiffiit taakkua toqqarneqarput imermik minguilluinnartumik annertoorujussuarmik kuuttoqarnera sumiiffiillu tikikkuminartuuneri pissutaallutik.

Nutaarluinnartut sumiiffiit neqeroortitsissutaassapput teknikkikkullu tunngasortaannut nalunaarusiaq De Nationale Geologiske Undersøgelser for Danmark og Grønland (GEUS)-imit suliarineqartoq tamanut saqqummiunneqarluni. Nalunaarusiami asimi misissuinerit ingerlanneqarsimasut minnerunngitsumillu erngup annertussusaannut pitsaassusaannut assigisaannullu tunngatillugu misissueqqissaarnerit inerneri nassuiarneqarput.

Qinnuteqaatit kingusinnerpaamik ulloq 1. august 2019 tigusaqarnissaq killilerneqarpoq.

 

Qinnuteqarneq

Qinnuteqarnissamut soqutiginnittut maanna periarfissaqarput ataani qaaqqusissummilu allassimasut malillugit qinnuteqarnissaminnut:

-          Qinnuteqarnissamut allakkiaq

-          Akuersissutip ilusaa

-          Ilusip akuerineqarnera

-          Akuersissummut ilanngussaq 2

-          Ataatsimut sinniisoqarnissamik pisussaaffimmillu uppernarsaaneq

-          Qinnuteqarnissamut immersugassaq

-         GEUS-imit teknikkitigut nalunaarut (TUL)  

-         Sermip erngullu niuernikkut iluaqutigineqarnissaat pillugu Inatsisartut inatsisaat nr. 11, 27. november 2018-imeersoq


Nalunaarusiat teknikkiusut (tuluttuut):

Powerpoint:

Qinnuteqaat aamma qinnuteqaammut ilanngussat allakkatigut imaluunniit qarasaasiakkut emailitut nassiunneqarsinnaapput.

Qinnuteqartup qinnuteqaat aamma qinnuteqaammut ilanngussat allakkatigut nassiukkunigit qinnuteqaatip aamma qinnuteqaammut ilanngussat qarasaasiami assilineri USB-stikkimut, aamma allakkatigut nassiunneqartussamut toqqorneqassapput. USB-stikkimi qarasaasiami assilisap iluserissavai makku: Microsoft Word-format aamma Adobe PDF-format.


Qinnuteqaat ilanngussat qaaqqusissummilu allassimasut pillugit apeqqutissat uunga nassiunneqarsinnaapput: 

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik, Imaneq 1A 301 Postboks 1601 3900 Nuuk. Oqarasuaat: (+299) 34 50 00 E-mail: isiin@nanoq.gl

Sermip erngullu niuernikkut iluaqutigineqarnissaannut aqqut

 

Sermimik imermillu atuinissamut akuersissutitut nalunaarutigineqartut

 

Sermip erngullu niuernikkut iluaqutigineqarnissaat pillugu Inatsisartut inatsisaat nr. 11, 27. november 2018-imeersoq naapertorlugu Naalakkersuisut nunatsinni sermimik imermillu atuinissamut akuersissutinik tunniusisinnaapput.

 

Akuersissutinik qinnuteqarsinnaanermut tamanut ammasumik nalunaaruteqareernerup kingorna ataani nalunaarsimasunut atuinissamut akuersissutinik Naalakkersuisut tunniussipput.

 

Atuisinnaasutut akuersissummik tunineqartut

Pisinnaatitsissummik pigisaqartoq

Sumiiffik akuersissuteqarfiusoq

Arcwa

L-04 (Maniitsup eqqaani)

Arcwa

L-05 (Maniitsup eqqaani)

Greenland Investment

L-03 (Nuup eqqaani)

Greenland Investment

L-04 (Maniitsup eqqaani)

Greenland Investment

L-05 (Maniitsup eqqaani)

Inland Ice

L-02 (Qeqertarsuatsiaat eqqaanni)

Love Water Greenland

L-01 (Paamiut eqqaanni)

Nanoq Water

L-03 (Nuup eqqaani)

Nanoq Water

L-04 (Maniitsup eqqaani)

Nanoq Water

L-05 (Maniitsup eqqaani)

North Water Greenland

L-03 (Nuup eqqaani)

North Water Greenland

L-04 (Maniitsup eqqaani)

North Water Greenland

L-05 (Maniitsup eqqaani)

63 Degrees North

L-02 (Qeqertarsuatsiaat eqqaanni)