Ujaruk

Apeqqutinut akissutit

Qeqqata Kommuniani tammajuitsussarsiorluni piniarnermut akuersissutinik tamanut ammasumik neqeroortitsinermut tunngatillugu apeqqutinut akissutit

Naalakkersuisut nittartagaanni nalunaarutaasutut Qeqqata Kommuniani tammajuitsussarsiorluni piniarnermut akuersissutinik tamanut ammasumik neqeroortitsinermut atatillugu apeqqutinik takkuttunik suliap isumaginera maannakkut naammassivoq.

Taamaalillutik apeqqutit takkuttut, kiisalu taakkununnga akissutaasut ataani linkini nassaassaapput:

Saaffiginnittut amerlanerusut nassatarisaannik akitsuutinik aalajangersaanermut tunngatillugu neqeroortitsinermi atortussani immikkoortoq 5.1-ip erseqqissaaviginera ataani linkikkut takuneqarsinnaavoq:

Suliariumannittussarsiornermi atortussat -5.1.

Aammattaaq ilisimatitsissutigineqarsinnaavoq qinnuteqarnissamut killigititap 26. februar 2018-mut sivitsornera.

Taamaalilluni qinnuteqarfissamik killigititap sivitsorneqarnera isumaqarpoq suli najoqqutassanik nassiussisoqarlunilu nutaamik qinnuteqartoqarsinnaasoq. Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfiup aamma takusinnaalersimavaa nalilersuinissamut tunngaviit pillugit neqeroortitsinermut najoqqutassat iluaqutaasussamik erseqqinnerulersinneqarsinnaasut. Erseqqissaatigineqarpoq ataatsimoortumik nalilersuineq nalilersuinermi piumasaqaatit sisamat tunngavigalugit pissasoq; Suliassanut pilersaarut (25%), Suliassamut ilisimasaqarluarneq/paasisimasaqarluarneq aammalu suliniutinik assigusunik misilittagaqassuseq (25%), Aningaasaliineq (25%) kiisalu Kalaallit Nunaanut attuumassuteqarneq (25%). Naalakkerssuisoqarfiup taamaammat erseqqissaatigissavaa nalilersuinermi tunngaviusut uku akornanni qaleriiaattoqarsinnaammat, assersuutigalugu Kalaallit Nunaannut attuumassuteqarnerup Suliassanullu pilersaarutip ataani immikkoortukkuutaat ataanni. Qaleriiattoqarsinnaasoqaraluartoq annertuumik pingaaruteqarpoq qinnuteqaammi nalilersuinermi tunngaviusut immikkut ataasiakkaarlugit nalilersorneqarnissaat.