Ujaruk

Qeqqata Kommuniani tammajuitsussarsiorluni piniarnermut akuersissutit

Qeqqata Kommuniani

tammajuitsussarsiorluni

piniartitsisalernissamut akuersissutinik

qinnuteqaqqusineq

Qeqqata Kommuniani tammajuitsussarsiorluni piniarnermut akuersissutit pillugit qinnuteqaammut atortussat maani nassaarineqarsinnaapput.

Assiliisoq: Mads Pihl, Visit Greenland

Tammajuitsussarsiorluni piniarsinnaanermut kisermaassilluni akuersissutinik pissarsinissaq pillugu innuttaasut suliffeqarfiillu soqutiginnittut qinnuteqarsinnaaffiannik katillugit sumiiffinnik 12-inik atugassiinissaq Qeqqata Kommuniata Kommunip pilersaarutaanut tapiliut nr. 7-imi aalajangersarsimavaa.

Qinnuteqaqqusissummut ilanngussanullu apeqqutit 16.01.2018.-inngortinnagu Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut nassiutissapput, uunga: isiin@nanoq.gl.

 

 

Piffissalersuut:

28.12.2017       Qinnuteqartitsineq www.businessingreenland.gl/da/udbud-ikkut aamma Sermitsiaq,

   AG aamma Sivdleq, aamma tusagassiorfitsigut allatigut

   tamanut saqqummiunneqarpoq

16.01.2018       Qinnuteqaqqusissummut apeqqutinik tigusinissamut piffissaliussaq kingulleq

06.02.2018       Qinnuteqaqqusissummut apeqqutit akissutillu nassiunnissaannut piffissaliussaq kingulleq.

   Apeqqutit akissutillu tamarmik Naalakkersuisut.gl-ikkut

   tamanut saqqummiunneqassapput

26.02.2018       Qinnuteqaateqarneq sivitsorneqarpoq

Februaari 2018 Qinnuteqaatit misissorneqarput.

Marsi 2018       Akuersissutaasunik Naalakkersuisut nalunaaruteqarput (1. januar 2019-imi atuutilertussanik.

 

Qinnuteqaqqusissut:

Matumuuna qinnuteqaqqusissummi matumani naapertuuttumik qinnuteqaammik nassiussaqarnissamut soqutiginnillutik qinnuteqartut qaaqquneqarput, qinnuteqaqqusissullu makkuninnga imaqarpoq:

    1. Qinnuteqaqqusissut
    2. Sumiiffinnut 12-inut nunap assinga
    3. Kommunip pilersaarutaanut tapiliut nr. 7
    4. Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersoq
    5. Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersup allanngortinnissaa pillugu Inatsisartut inatsisaat nr. 15, 3. juni 2015 (Inatsisip atuuffigisaa sukisaarsaatigalugu aalisarnermut akuersissutinut sumiiffikkaanullu pilersaarutinut piginnaatitsissummik ilaqartilerlugu annertusissaaq)
    6. Tammajuitsussarsiorluni piniarnermut akuersissutissamut qinnuteqarnermi immersugassaq
    7. Kalaallit Nunaanni masarsoqarfiit nunanit tamalaanit toqqarneqartut illersorneqarnissaat aamma timmissat imarmiut ilaasa illersorneqarnissaat pillugu Namminersorlutik
      Oqartussat nalunaarutaat nr. 12, 1. juni 2016-meersoq

Qinnuteqaat faxikkut imaluunniit qarasaasiakkut nassiunneqarsinnaavoq, tamannali ilutigalugu allakkatut tammatsaalisatut nassiussatut imaluunniit e-mailikkut nassiunneqassaaq, aammalu qinnuteqaqqusissumut apeqqutit aamma ilanngussat uunga nassiunneqassallutik:

  • Inuussutissarsiornermut, Suliffeqarnermut Niuernermut Nukissiuuteqarnermullu Naalakkersuisoqarfik, Imaneq 1A 301, Postboks 1601, 3900 Nuuk. Oqarasuaat: (+299) 34 50 00 / Telefax (+299) 34 63 64 E-mail: isiin@nanoq.gl

Qinnuteqaatip suliarinissaanut, suliassanik pilersaarusiornermut il.il. ikiorserneqarnissamut attavigiuk:

Imaluunniit:

  • Visit Greenland A/S, Hans Egedesvej 29, Postboks 1615, 3900 Nuuk. Oqarasuaat: (+299) 342 8 20 E-mail: Info@greenland.com