Ujaruk

Sukisaarsaatigalugu aalisartitsisarnermut Qeqqata Kommuniani akuersissut

Qeqqata Kommuniani sukisaarsaatigalugu aalisartitsisalernissamut akuersissutinik qinnuteqaqqusineq

Qeqqata Kommuniani sukisaarsaatigalugu aalisarnermut akuersissutit pillugit qinnuteqaammut atortussat nassaarineqarsinnaapput.

Koncessioner til sportsfiskeri i Qeqqata Kommunia

Assiliisoq: Mads Pihl, Visit Greenland

Eqalunniarnermut sukisaarsaatigalugu kisermaassilluni aalisarsinnaanermut akuersissutinik pissarsinissaq pillugu innuttaasut suliffeqarfiillu soqutiginnittut qinnuteqarsinnaaffiannik katillugit kuunnik 16-inik atugassiinissaq Qeqqata Kommuniata Kommunip pilersaarutaanut tapiliut nr. 27-mi aalajangersarsimavaa.

Maannakkut neqeroortitsisoqarnermut tunngapput Qeqqata Kommuniani sumiiffiit, neqeroortitsinermi piffissami 21. januar 2016-imit 7. marts 2016-imut ingerlanneqartumut atatillugu akuersissummik nalunaaruteqarfiunngitsut.

Kuunnik akuersissutissanut atugassiissutit takornariartitsinermik suliassaqarfimmi Naalakkersuisut periusissiaanut ilaasutut isigineqassaaq, taassumalu siunertaraa nunatsinni takornariartitsinermik inuutissarsiummi namminersortutut aningaasaliinerit annertusarnissaat, taamaalillunilu piffissamut ungasinnerusumut siuarsarnermik suliffeqartitsinermillu annertusisitsissaaq.

Qinnuteqaqqusissummut ilanngussanullu apeqqutit 7. december 2016-inngortinnagu Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut nassiutissapput, uunga: isiin@nanoq.gl.

Piffissalersuut:

  • 24.11.2016:                   Qinnuteqartitsineq Naalakkersuisut.gl-ikkut tusagassiorfitsigullu allatigut tamanut saqqummiunneqarpoq
  • 30.11.2016:                   Qinnuteqaqqusissummut apeqqutinik tigusinissamut piffissaliussaq kingulleq
  • 7.12.2016:                     Qinnuteqaqqusissummut apeqqutit akissutillu nassiunnissaannut piffissaliussaq kingulleq. Apeqqutit akissutillu tamarmik Naalakkersuisut.gl-ikkut tamanut saqqummiunneqassapput
  • 09.01.2017 Nal. 12.00:  Qinnuteqaatit tigunissaannut piffissaliussaq kingulleq
  • Sap.ak. 3-4, 2017:         Naalakkersuisut aamma Qeqqata Kommuniata sinniisuutitaanik inuttalimmit ataatsimiititaliamit qinnuteqaatit misissorneqassapput.

 

Qinnuteqaat faxikkut imaluunniit qarasaasiakkut nassiunneqarsinnaavoq, tamannali ilutigalugu allakkatut tammatsaalisatut nassiussatut imaluunniit e-mailikkut nassiunneqassaaq, aammalu qinnuteqaqqusissumut apeqqutit aamma ilanngussat uunga nassiunneqassallutik:

  • Inuussutissarsiornermut, Suliffeqarnermut Niuernermut Nukissiuuteqarnermullu Naalakkersuisoqarfik, Imaneq 1A 301, Postboks 1601, 3900 Nuuk. Oqarasuaat: (+299) 34 50 00 / Telefax (+299) 34 63 64 E-mail: isiin@nanoq.gl

Qinnuteqaatip suliarinissaanut, suliassanik pilersaarusiornermut il.il. ikiorserneqarnissamut attavigiuk:

Imaluunniit:

Visit Greenland A/S, Hans Egedesvej 29, Postboks 1615, 3900 Nuuk. Oqarasuaat: (+299) 342 8 20 E-mail: Info@greenland.com 

 

Sukisaarsaatigalugu aalisartitsisarnermut Qeqqata Kommuniani akuersissut

 

Qeqqata Kommunian Sukisaarsaatigalugu Aalisarnermik Ingerlatsinissamut Akuersissummik Qinnuteqaat