Ujaruk

Tunngaviusumik paasissutissanut programmimut (Grunddataprogramimut) paasissutissanik siammarterutissamut (Datafordeler) suliariumannittussarsiuussineq

TUNNGAVIUSUMIK PAASISSUTISSANUT PROGRAMMIMUT (GRUNDDATAPROGRAMMIMUT) PAASISSUTISSANIK SIAMMARTERUTISSAMUT (DATAFORDELERISSAMUT)  SULIARIUMANNITTUSSARSIUUSSINERMIK NALUNAARUT

29. juli 2016

1. Suliassaq suliariumannittussarsiuunneqartoq

Digitalimik Sullissinermut Aqutsisoqarfiup Namminersorlutik Oqartussat sinnerlugit matumuuna Tunngaviusumik paasissutissanut programmimut (Grunddataprogrammimut) paasissutissanik siammarterutissamik (Datafordelerimik) ineriartortitsinissamut atuutilersitsinissamullu isumaqatigiissutissaq suliariumannittussarsiuuppaa.

 

2. Neqerooruteqartitseriaaseq

Suliariumannittussarsiuusseriaaseq tassaavoq ”tamanut ammasumik suliariumannittussarsiuussineq”, Namminersorlutik Oqartussat Qitiusumik Allaffeqarfianni, taassumalu ataani immikkoortortaqarfinni, nioqqutissanik kiffartuussinernillu suliariumannittussarsiuussisarneq pillugu Kaajallaasitaq 24.9.2010-meersoq naapertorlugu.

 

3. Suliakkiisup attaveqarfiginissaanut paasissutissat

 

Digitalimik Sullissinermut Aqutsisoqarfik

Saaffigisassat:

 

Postboks 1078

Specialkonsulenti

Aqutsisoqatigiiit siulittaasuat

3900 Nuuk

Tom Nørregaard Andersen

Kim Neumann Nielsen

 

email: tono@nanoq.gl

e-mail:knn@nanoq.gl

 

4. Tunineqarnissamut tunngavissarititat

Isumaqatigiissummi piumasaqaat tunngavigineqartussaq tassaassaaq ”neqeroorut akimigut naapertuunnerpaaq”. Piumasaqaatit allat, kiisalu suut imminnut naapertuunnermikkut pingaaruteqassusiat suliariumannittussarsiuussinermi piumasaqaatini allassimapput.

 

5. Piukkunnassutsimut il.il piumasaqaatit

Neqerooruteqartup piukkunnassutsimut piumasaqaatit minnerpaaffissaasa uppernarsarneqarnissaannut piumasaqaatit, suliariumannittussarsiuussinermi piumasaqaatini allassimallutik aalajangersarneqarsimasut, naammassisimassavai.

Tamatuma saniatigut neqerooruteqartup neqerooruteqarnerminut ilanngullugu ilumoorluinnarluni nalunaarut atsiorsimasoq nassiutissavaa, tamatumani uppernarsarniarlugu Neqerooruteqartoq neqerooruteqartitsinermi piumasaqaatini allassimasut ilaannik tunngaveqartumik neqerooruteqarnissamut ilaatitaannginnissamut tunngavissaqanngitsoq. Ilumoorluinnarluni neriorsuuteqarnermut uppernarsaat suliariumannittussarsiornermi atortussanut ilaavoq.

 

6. Neqerooruteqarnissamut killissarititaq

Neqeroorut Suliakkiisumit tiguneqareersimassaaq kingusinnerpaamik 29.8.2016 kl. 16:00, kitaani nalunaaqutaq malillugu. Neqeroorutit piffissaliussap kingorna tiguneqartut itigartinneqassapput.

 

7. Suliariumannittussarsiuussinermi atortussat

Neqerooruteqarnissamut piumasaqaatit aamma atugassarititaasut, kiisalu suliariumannittussarsiuussaq pillugu paasissutissat erseqqinnerusut suliariumannittussarsiuussinermi atortussani, tassunga ilanngullugu nalunaarummi matumani aamma suliariumannittussarsiuussinermi piumasaqaatini allassimapput.