Ujaruk

Nioqqutissanik pisiortornermut suliariumannittussarsiuussisarnermut

suliariumannittussarsiuussisarneq pillugu nalunaarut uunga tunngasoq

Nuna tamakkerlugu innarluutilinnut sullissivik

17. August 2016


1.     Suliaq suliariumannittussarsiuunneqartoq

 

Ilaqutariinnermut Naligiissitaanermut, Isumaginninnermut Inatsisinillu Atuutsitsinermut  Naalakkersuisoqarfiup matumuuna  Nuna tamakkerlugu innarluutilinnut sullissiviutigisup Sisimiuniittup tamakkiisumik atortulersorneqarnissaanut nioqqutissanik pequtit ilanngullugit pisiortornissaq suliariumannittussarsiuuppaa.

 

Suliariumannittussarsiuussinermut ilaapput katillugit isumaqatigiissutip ilai marluk:

-        Isumaqatigiissutip ilaa 1 Iluaqusersuutit aamma Sungiusarnermut atortut

-        Isumaqatigiissutip ilaa 2 Elektronik, Pequtit, Eqqiaaneq aamma atortussat, Igaffissuup atortussai kiisalu Nioqqutissat allat

Isumaqatigiissutip ilaanut ataatsimut arlalinnulluunniit nioqqutissanillu toqqakkanik pisiniarnissamut periarfissiilluni neqerooruteqartoqarsinnaavoq.

Nioqqutissat Grønlandshavnenimi nassiussalerisartumut tunniunneqareersimassapput isumagisassanngortinneqareersimassallutillu kingusinnerpaamik ulloq 31. december 2016, taamaalillutik nioqqutissat nassiussalerisartumut paarisassanngorlugit. Taamatuttaaq nioqqutissat immikkoortitaasimassapput taamaalilluni nalornissutigineqassanngimmat taakku pisiniartup pigisarigai.

 

 

2.     Neqerooruteqartitseriaaseq

 

Suliariumannittussarsiuussineq tassaavoq "tamanut ammasumik suliariumannittussarsiuussineq" Namminersorlutik Oqartussat Qitiusumik Allaffeqarfianni  taassumalu ataani immikkoortortaqarfinni nioqqutissanik kiffartuussinernillu suliariumannittussarsiuussisarneq pillugu Kaajallaasitaq 24.09.2010-meersoq malillugu.

 

 

3.     Suliakkiisup attaviginissaanut paasissutissat

 

Pisiortortarnermut AllafikBox 1039

3900 Nuuk

Kalaallit Nunaat

 

Inuk attaveqarfissaq:

Fuldmægtig Marlene Skov

mask@nanoq.gl

 


4.     Tunineqarnissamut tunngavissarititat

 

Isumaqatigiissummi piumasaqaat tunngavigineqartussaq tassaassaaq "aki pitsaassuserlu imminnut naapertuunnerpaat". Piumasaqaatit allat kiisalu suut imminnut naapertuunnermikkut pingaaruteqassusaat suliariumannittussarsiuussinermi piumasaqaatini allassimapput.


5.     Piukkunnassutsimut il.il. piumasaqaatit

 

Neqerooruteqartup piukkunnassutsimut piumasaqaatit minnerpaaffissaasa uppernarsarneqarnissaannut piumasaqaatit suliariumannittussarsiuussinermi piumasaqaatini allassimallutik aalajangersarneqarsimasut naammassisimassavai.

Tamatuma saniatigut neqerooruteqartup neqerooruteqarnerminut ilanngullugu ilumoorluinnarluni nalunaarut atsiorsimasoq nassiutissavaa, tamatumani uppernarsarniarlugu, neqerooruteqartup neqerooruteqarnermi piumasaqaatigineqartut neqerooruteqarsinnaatitaannginnermut tunngassuteqartut ilaaffiginngikkai. Ilumoortuunissamut neriorsuuteqarnermullu uppernarsaat suliariumannittussarsiornermi atortussanut ilaavoq.

 

 

6.     Neqerooruteqarnissamut killissarititaq                        

 

Neqeroorut Pisiniartumit tiguneqareersimassaaq kingusinnerpaamik ulloq 16. september 2016 nal. 12.00, kitaani nalunaaqqutaq malillugu. Neqeroorutit piffissaliussap kingorna tiguneqartut itigartinneqassapput.

 

 

7.     Suliariumannittussarsiuussissutit

 

Neqerooruteqarnissami piumasaqaatit erseqqinnerusut, atugassarititaasut kiisalu suliariumannittussarsiuussineq pillugu paasissutissat suliariumannittussarsiuussinermi piumasaqaatini allassimapput. Suliariumannittussarsiuussinermi atortussat Neqerooruteqartitsinermi nittartakkami iserfissami piniarneqarsinnaapput.