Ujaruk

Nakkutilliilluni orniguttarneq

Uumasunut Nakorsaqarfik Inuussutissalerinermullu Oqartussaaffik (UNIO) Kalaallit Nunaanni suliffeqarfinnik inuussutissalerisunik nakkutilliinermik isumaginnittuuvoq, taakku maleruagassanik eqqortitsinerat aamma pisisartunut nerisassanik nerinermikkut napparsimalinnginnissaat qulakkeerniarlugit.

UNIO nanutsinni tunisassiatigut suliffeqarfinnik nakkutilliinermik ingerlatsisuuvoq. Suliffeqarfiit avammut niuertut Danmarkimi Fødevarestyrelsemit nakkutigineqarput.

Oqartussat qanoq nakkutilliinermik ingerlataqarnerannik naatsumik siulequtsiineq

Unio-p panersiivimmi, toqoraavimmi, tunisassiorfimmi quersuarmilu, niuertarfissuarmi iffiorfimmilu nakkutilliinerup ingerlanneqarnera tamaat isumagisarpaa. Taamaaqataanik pingaarnertut tunisassiassanik pilersuisumit tunineqarneraniit tunisassiorfimmi suliareqqinnerannut niuertarfimmilu tuniniarnerani immikkoortuni tamani aalisagaq nakkutigineqarnersoq misissorneqassaaq. Tunisassiornerup nalaani nakkutilliisoqartarpoq. Neriniartarfinnut tamanna amerlanertigut imaappoq, tassa nerisassat piareersarnerisa tunisassiarinerisalu nalaani nakkutilliissasugut.

Nalunaaruteqaqqaarani takusaaneq

UNIO nalunaaruteqaqqaarani nakkutilliilluni takkuppat, tassa imaappoq kalerreeqqaarani takkunneq. Taamaalillutik ullormi nalinginnaasumik suliffiusumi illit suliffeqarfiutit angerlanersoq UNIO-p takusinnaavaa aamma immikkoortumi naleruagassat eqqortinniarlugit qanoq iliortoqanersoq misissorlugu.

Illit suliffeqarfiutivit nakkutigineqarnerata ingerlannera

Nakkutilliinerup nalaani imatut pisoqassaaq:

  • Suliffeqarfiup nammineq nakkutilliisarneranik misissuineq. Nalunaarsukkat naammannersut, kiisalu immikkoortumi piumasaqaatit atuuttut eqqortinneqarnersut nalilerneqassapput.
  • Suliffeqarfimmik misissuineq – init, maskiinat, toqqorsivik nioqqutissallu. Eqqaaniittut naleqquttumik aaqqissuunneqarsimanersut, kiisalu eqqiluisaarnissamut piumasaqaatit qanoq eqqortinneqartarnersut nalilersuisoqassaaq.
  • Suliffeqarfiup allagaataanik misissuineq.

Nakkutilliinerup nalaani ilitsersuunnerqassaatit

Maleruagassat imai, nassuiarneqarneri tunuliaqutaallu pillugit ilitsersuunneqassaatit, taamaalillutit illit maleruagassat paasissagakkit malinnissaannullu kajumissuseqalerlutit. Taamaattumik UNIO-mut pingaaruteqarpoq nakkutilliinerup pingaarnerup ilaata ilitsersuussinerunissaa aamma maleruagassat qanoq paasineqarnissaat pillugit ilinnik suliffeqarfimmik piginnittutut ajunngitsumik oqaloqateqarnissaq iaalluni.

Taamaaliornikkut nakkutilliineq amerlanertigut kinguneqarluarnerusarpoq taamaaliornikkullu illit suliffeqarfippit ingerlanneqarnissaanut UNIO-p sunik piumasaqaateqarneranik paasininnissaq ajornannginnerulerluni.

Nakkutilliisup suut tamaasa takusinnaatitaavai

Nakkutilliisoq illit suliffeqarfinni inuussutissanik tunisassiornermut atassuteqartunut ininut tamanut isersinnaanera qulakkeerneqassaaq. Nakkutilliisup allagaatit tamaasa saqqummiunneqarnissaat pillugu qinnutigisinnaavaa, aammattaaq nuutsinneri, nioqqutissiornermut tunngasut. Tamanna pisariaqartinneqarpat illit suliffeqarfinni tunisassianiit atortuniillu misiligutissanik tigusisoqarsinnaavoq.

Pissutsit ilai nakkutilliisup suliffeqarfimmi nakkutilliinerini tamani misissorneqassapput, allat ilaannikkut misissorneqartassallutik.

Nakkutilliinermi ajornartorsiutinik nassaartoqarpat, kingornatigut nakkutilliinermi tamanna iluarsineqarsimanersoq misissorneqassaaq. Piffissap aalajangersimasup iluani pissutsit uparuarneqartut aamma aaqqinneqarsimanerannik uppernarsaatinik nassiussinissannut piumaffigineqarsinnaavutit.

Nakkutilliineq pillugu nalunaarut pissarsiarissavat

Nakkutilliineq naammassineqarpat nakkutilliineq pillugu nalunaarusiaq pissarsiarissavat, suliffeqarfimmi akisussaasoq peqatigalugu UNIO-mit misissorneqartussamik. Nakkutilliinermut naleqqiullugu suliffeqarfik arlalinnik pisinnaatitaaffeqarpoq – ilaatigut nakkutilliisoq sunik nassaarsimanersoq pillugu ilisimatinneqassaaq tassungalu qanoq isumaqarnersut aperisoqassalluni.

Ilaannikkut nalunaarusiaq assammik allallugu utaqqiisaasumik nalunaarusiaasarpoq, aamma aallakkatigut nalunaarusiaq kalaallisuunngortinneqarsimasoq nassiunneqassaaq.

Suna misissorneqarsimanersoq aamma UNIO-mit suna nassaarineqarsimanersoq Nakkutilliineq pillugu nalunaarusiami allaaserineqassaaq. Toqqorsivimmi naammaginartumik eqqiaasoqarsimanngitsoq tassani ilaatigut sammineqarsinnaavoq. Unioqqutitsisimanerit paasineqarpata nakkutilliineq pillugu nalunaarusiami pineqaatissiisoqarsinnaavoq, tassaallutik erseqqissaaneq, peqqusineq, inerteqqussut imaluunniit politiinut nalunaaruteqarneq.

Nakkutilliineq pillugu nalunaarusiami unioqqutitsisarnerit allaaserineqarsimassapput, aammalu qanoq ililluni iluarsineqarsinnaanersut, aammalu ajornartorsiutip iluarsinissaanut qanoq sivisutigisumik piffissaqarnersutit.

Pingaarpoq eqqaamassallugu inatsisinik atuuttunik eqquutsitsinissani suliffeqarfiup tamatigut akisussaaffigimmagu, taakkulu uani atuarsinnaavatit. Maleruagassat pillugit erseqqinnerusumik ilitsersuunneqarnissamut aamma naammattumik nammineq qanoq nakkutilliisarnissaq pillugu erseqqinnerusumik tusagaqarusukkuit atassuteqarnissannut tamatigut tikilluaqqusaavutit.

Suliffeqarfimmik nakkutilliineq pillugu apeqqutissaqaruit, taava atassuteqarfigissavat:

Uumasunut Nakorsaqarfik Inuussutissalerinermullu Oqartussaaffik

Imaneq 1A - 901
Postboks 269
3900 Nuuk
Oqarasuaat: 34 50 00

Mail:uumasut@nanoq.gl