Ujaruk

Suliffeqarfiit inuussutissanik tunisassiortut

Suliffeqarfiit inuussutissaleriffiusut assigiinngitsut arlaqarput, piumasaqaatit aamma assigiinngillat suliffeqarfik kantiinaappat, neriniartarfiuppat imaluunniit kioskiuppat.

Suliffeqarfimmi piginnittutut suliffeqarfivit immikkoortumut sorlermut atanera ilisimassavat.

Matumani immikoortut suliffeqarfinnut nerisassaleriffiusunut tunngasut atuarsinnaavatit.

A) Kioski niuertarfissuarlu

Niuertarfiit nerisassanik nalinginnaasunik nioqquteqartartut taamaallaallu nerisassanik poortoriikkanik nillataartitsivimmiittussaanngitsunik qerititsivimmiittussaanngitsunilluunniit nioqquteqartartut.

B) Kioski niuertarfissuarlu

Niuertarfiit nerisassanik nalinginnaasunik nioqquteqartartut nerisassanik poortoriikkanik tamanik nioqquteqarsinnaasut, aamma nerisassanik nillataartitsivimmiittussanik qerisunillu.

C) Kioski, niuertarfissuaq, illinnartuerniarfik, iffiorfik, neqaarniaq

1. Niuertarfiit nerisassanik nalinginnaasunik nioqquteqartartut, nerisassanik poortoriikkanik tamanik nioqquteqarsinnaasut aammalu iffiukkanik qalariaannarnik nioqquteqarsinnaasut.

2. Niuertarfiit nerisassanik nalinginnaasunik nioqquteqartartut nerisassanik poortoriikkanik tamanik nioqquteqarsinnaasut, aammalu iffiukkanik, kaagilianik, illinnartuerniarfiit neqinik aalisakkanillu il. il. nioqquteqartartut.

3. Iffiortut kaagiliortullu taamaallaat iffiukanik kaaginillu sanasinnaapput nioqquteqarlutillu aammattaaq nerisassat ilaat poortoreernikut tunisassiarisinnaallugit.

4. Neqaarniat, mamartoorniat taavalu charcuteri (pølserniat, neqinik qallersuutaarniat) taamaallaat neqinik neqinillu sanaanik nerisassiorsinnaapput nioqquteqarlutillu aammattaaq neqit ilaat poortoreernikut tunisassiarisinnaallugit.

D) Kantiina, sullissiveqarfinnut igaffiit igaffissuillu nerisassanik imigassanillu sassaallertartut

Suliffeqarfiit inuussutissanik tunisassiortut nerisassanik suliarineqanngitsunik poortoriikkanillu nioqquteqarsinnaasut suliffeqarfimmut pisisartunut aalajangersimasunut tuniniagassatut sassaalliutissatulluunniit siunertalimmik.

E) Nerisarfiit tamanut ammasut, (soorlu neriniartarfiit) nerisassanik piariikkanik annissassanik pisiniartarfiit, pølsevognit

Suliffeqarfiit inuussutissanik nioqquteqartartut nerisassanik suliarineqanngitsunik poortoriikkanillu nioqquteqarsinnaasut pisisartumut toqqaannartumik sassaalliutigisassatut tuniniagassatulluunniit siunertalimmik.

F) Toqqorsivik, nillataartitsivik qerititsivillu

Suliffeqarfiit uniissutissanik  tunisassiortartut suliffeqarfinnut inuussutissalerinermut akuerisaasunut taamaallaat nerisassanik poortoriikkanik uninngasuuteqarlutillu assartuisartut.

G) Aalisakkerivik, nersutinik toqoraaffik, iffiorfik aamma aalisakkanit panertulianik tunisassiorfik

Suliffeqarfik tunisassiorfiusoq nioqqutissanik sanaartortoq, suliffeqarfinnut allanut imaluunniit inunnut ataasiakkaanut atuisunut tunisassanik.

Uumasunut Nakorsaqarnermut Inuussutissalerinermullu Oqartussat suliffeqarfinnut nerisassaleriffiusunut assigiinngitsunut pingasunut ilitsersuusiorsimavoq makkununnga malittarisassanik erseqqinnerusumik allaaserinniffiusumik:

Qinnuteqaammik immersuillutit nammineq nakkutilliinissamut pilersaarutitalerlugu suliffeqarfiullu titartagartaa ilanngullugu nassiunneratigut suliffeqarfittut inuussutissaleriffiusutut akuersissummik qinnuteqarsinnaavutit. Qinnuteqarfissaq UANI aasinnaavat namminerlu nakkutilliinissamut ilitsersuut UANI takusinnaavat.

Suliffeqarfinnut inuussutissalerisunut tamanut qinnuteqaat atorsinnaavoq. Qinnuteqaat namminerlu nakkutilliinissamut pilersaarut titartagartarlu uunga nassiutissavatit:


Kalaallit Nunaanni Uumasunut Nakorsaqarfik Inuussutissalerinermullu Oqartussaqarfik

Postboks 269

3900 Nuuk

E-mail: uumasut@nanoq.gl

EQQAAMALLUGU! Uumasunut Nakorsaqarfik Inuussutissalerinermullu Oqartussaaffik (UNIO) qinnuteqaat suliareriinngippagu akuersissuteqariinngippallu suliffeqarfimmik ingerlatsineq aallartissinnaannginnakku.

Qinnuteqaativit tiguneqarneraniit ullut suliffiusut 21-t ingerlanerini qinnuteqaativit suliarineqarnissaa naatsorsuutigisinnaavat.