Ujaruk

Suliffeqarfiit inuussutissanik tunisassiortut

Matumani pingaarnertut tunisassiortuuniartutut nerisassaarniarfeqartutulluunniit akuerineqarnissamut paasissutissat atuarsinnaavatit, aamma nammineerlutit qanoq nammineerluni nakkutilliisarnissamut paasissutissat atuarsinnaallugit

Uumasunut nakorsaqarnermut oqartussaqarfimmit akuersissummik qinnuteqalersinnak suliffeqarfimmik qanoq ittumik ingerlatsinerlutit ilisimassavat.

Tamanna suliffeqarfiutivit suliffeqarfittut inuussutissaleriffiusutut isigineqarnissaa imaluunniit pingaarnertut tunisassiortuunersutit apeqqutaatillugu piumasaqaatit assigiinngitsuunerinik pissuteqarpoq.

Taamaattumik Kalaallit Nunaanni Uumasunut Nakorsaqarfik Inuussutissalerinermullu Oqartussaaffik  pingaarnertut tunisassiortunut suliffeqarfinnullu inuussutissaleriffiusunut assigiinngitsunik ilitsersuusiorsimavoq, uumasunut nakorsaqarnermut oqartussanit akuersissuteqarnissami piumasarineqartutut qinnuteqaammik namminerlu nakkutilliisarnissamut pilersaarummik immersuisarneq neriunartumik ajornannginnerulersinniarlugu.

Suliffeqarfittut uumasunut nakorsaqarnermut oqartussanit akueritikkusukkuit suliffeqarfippit inuussutissalerineq pillugu inatsimmik naammassinninnissaa qulakkiissavat. 


Malittarisassat sukumiinerusumik paasisaqarfigisinnaavatit UANI.