Ujaruk

Inuussutissat isumannaatsuunissaat

Nerisassanik nioqqutissianik nerisassiornermillu suliffeqarfinni imaluunniit pingaarnertut tunisassiortutut eqqiluisaarneq, assannik eqqortumik asannermi, eqqiaannermi, eqqiluisaarnermik ilinniarnermi imaluunniit inuussutissanik suliffeqarfiutigisavit aaqqissuganerani, assersuutigalugu suliffeqarfiup igaffiani sapinngisamik pitsaanerpaamik misissortaruk

Igaffimmi nerisassiortoqaraangat, pingaaruteqarpoq eqqiluisaarnermut tunngasut ilaannik eqqortitsinissaq, taamaaliornikkut nerisavit pulaartuvit/pisiniartuilluunniit taakku napparsimalissutigissanngimmatigik.

Nerisassiorfiit toqqorsineq pillugu aammalu nerisassanik suliaqarnermi malittarisassat arlallit eqqortissavaat. Piumasaqaatit pinaveersaartitsinerupput inuussutissallu isumannaatsuunissaat anguniarlugu aalajangersarneqarsimallutik.

Inuussutissarsiorfiit nioqqutissiaatimik isumannaatsuunissaat akisussaafigaat, qulakkiissallugulu, atuisumik inuussutissanik atuinermikkut nerisaqarnermillu peqqissutsimikkut navianartorsiunnginnissaat.

Nerisassiorfinnut inuussutissalerinermi ingerlatsisarnernilu eqqiluisaarnissamut immikkut ittunik malittarisassaqarpoq. Makkununnga malittarisassaqarpoq: 

  • Inuussutissanik nillataartitsisarneq
  • Inuussutissanik nillataartillugit uninngatitsineq
  • Inuussutissanik kissartumik suliarinnittarneq
  • Inuussutissanik kialaartitsisarneq
  • Bakteerissat siammaanissaat qanoq ililluni pinngitsoortinneqarsinnaava
  • Suliffeqarfimmik aaqqissuussisarneq
  • Atortussat, suliffeqarfinni atorneqartartut
  • Eqqiaasarneq tunillannartuiaasarneq
  • Inuttut eqqiluisaarneq
  • Uumasupilunnik akiuiniarneq
  • Eqqagassalerineq

Malittarisassanik paasisaqarluarumaguit, inuussutissaleriffiit pillugit Namminersornerullutik Oqartussat nalunaarutaanit iluaqutissarnik aallersinnaavutit, tassanilu eqqiluisaarneq, aaqqissuussineq ingerlatsinerlu pillugit malittarisassat allaaserineqarsimapput.