Ujaruk

Qimmit savanik ungoorisartut

Upernaraangat savat ungoorneqartarput. Savaatillit qimminik savanik ungoorisartunik ikiorteqarlutik savanik ungoorisarput.

Kommune Kujallermi qimmit Border Collie aamma Kelpie imaluunniit taakkuninnga akusat kisiisa qimmereqqusaapput.  Savaateqarfinni qimmit savanik ungoorisartut kinguaassiorsinnaajunnaarsinnissaat pisariaqanngilaq.  Taamaalillunilu qimmit Border Collie aamma Kelpie imaluunniit taakkuninnga akusat qimmiutigineqarsinnaapput.

Kalaallit Nunaanni qimmit savanik ungoorisartut Uumasunik illersuineq pillugu Inatsisartut inatsisaatigut nr. 25, 18. december 2003-meersutigut aamma illersugaapput.