Ujaruk

Uumasuuteqarneq toqoraasarnerlu

Qimminut qimuttunut, savaatillit qimmiinut nunalerinermilu uumasuutinut tunngatillugit uumasuutinik toqoraasarnernillu nakkutiginninneq ilitsersuisarnerlu kiisalu nakorsaatinik ikiorneqartarnerat pillugit maani atuarsinnaavutit.
Uumasut atugarissaarnissaat uumasunillu illersuinissaq uumasunut tamanut atuuppoq, pingaartumik qimuttoqarfinni qimminik qimuttunik uumasuutinillu kiisalu Kalaallit Nunaat tamakkerlugu angerlarsimaffimmi uumasuutinut nakkutiginninnermut tunngatillugu.

Uumasut illersugaanerat pillugu inatsimmi ileqqorissaarnissakkut uumasunillu illersuinissakkut qiviagassat eqqarsaatigalugit uumasut tamarmik illersorneqarsinnaasumik nakkutiginissaat qulakkeerneqartussaavoq.  Timikkut tarnikkullu uumasup sunnertilluni nalaassinnaasaanut uumasut illersorneqassapput.

Inatsit aamma assersuutigalugu anniaatinut, timikkut ajoqutinut, soorlu uumasup akornuteqarnani aalasinnaaneranut ajoqutit, imaluunniit eqqarsartaatsikkut ajoqusernernut uumasup pissusilersorneranut allannguutaasinnaasunut illersuisuuvoq.

Inatsit malillugu uumasoq ajornanngippat akornusiisunut malunnartunut sapinngisamik illersorneqartussaavoq, tamatumanilu anniarneq killeqartuusariaqarluni.  Tamanna assersuutigalugu kapitinnerni, nalunaaqutsersuinerni misiligutissamillu aaviinerni atuutinngilaq.  Aatsaalli anniarneq ima ajoqusiitigisimappat tamakku atuutissapput. 

Uumasut tamarmik paarilluagassaapput, tamatumanilu ilaavoq timikkut, pissusilersornermikkut peqqissutsikkullu pisariaqartitaat eqqarsaatigalugit piginnittuanit inissaqartinnissaat, nerisaqartinnissaat, imissaqartinnissaat paarineqarnissaallu. 

Illut, init nunaminertallu uumasuuteqarfiusut uumasut pisariaqartitaat aallaavigalugit ilusiligaassapput, tamatumanilu ilaapput pisariaqartinneqartumik aalaffeqarsinnaanissaat nerinissamut imernissamullu tulluarsakkanik, silamullu illersorneqarnissaat.

Inatsit ilaatigut toqoraasarnermut, timikkut suliaritinnernut, tuniniaasarnernut nakkutiginninnernullu malittarisassanik aamma imaqarpoq.

UANI Uumasunik illersuineq pillugu Inatsisartut inatsisaat nr. 25, 18. december 2003-meersoq atuarsinnaavat.