Ujaruk

Sunngiffimmi aallaaniarsinnaanermut allagartaq pisarisallu nalunaarsornerat

Sullissivikkut nammineerlutit immersuiniaruit NemID-eqartariaqassaatit, netbankikkut atortakkavit assinganik

www.sullissivik.gl-ikkut NemID-it atorlugu aallaaniarnermut allagartamik ugguuna piniarsinnaavutit. Tassuuna aamma pisatit nalunaarsorsinnaavatit.

Sullissivik.gl-ikkut ima iliorsinnaavutit.

• Oktobarip aallaqqaataa nallertinnagu ukioq kingulleq pisatit nalunaarutigissavatit aallaaniarnermut allagartat nutartiutigalugu
 
• Inuussutissarsiutigalugu piniarnermut allagartamik ukiumut piniarfiusussamut qinnuteqarsinnaavutit

• Inuit allattorsimaffiannut nalunaarsimassaatit. Aallaarniarnermut allagartat siorna pisaarisimassavat nutaamilluunniit allagartartaarniartuusinnaallutit

• Nunatsinni najugaqanngikkuit attuumassuteqaruilli immikkut akuerineqaqqullutit qinnuteqarsinnaavutit

• Sunngiffimmi aallaaniarnermut allagartat inuussutissarsiutigalugu allagartamik ukiup piniarfiusussap tullissaanut taarsertissinnaavat. Sunngiffimmi aallaaniartartutut      pisarisimasatit Sullissivikkut nalunaarutigeqqaassavatit. Sunngiffimmi aallarniartartut allagartaannik piniassanngilatit. Sullissivikkulli inuussutissarsiutigalugu                  piniarnermut allagartamik piniassaatit

• Sunngiffimmi aallaaniartaannik siornaammat allagartaqarsimaguit nutaamik pitaartinnat pisarisimasatit nalunaarutigeqqaassavatit. Sunngiffimmi aallaarniartartut          allagartat siorna pisaasimappat pisoqaaneruppalluunniit nutaamik piniarlutit qinnuteqassaatit

Sullissivikkut allagartartaarniarneq killeqartitsivoq

• Sullissivikkut aallaaniarnermut allagartat oktobarip aallaqqaataa nallertinnagu nutaamik taarsersinnaanngilat aamma pisatit nalunaarutigisinnaanagit. Oktobarip            aallaqqaataata tungaanut utaqqisinnaanngikkuit ukiumoortumik immersuiffigisimasat jagtbeviser@nanoql.gl-imut nassiutissavat

• Sullissivikkut ukiup piniarfiusup qiteqqunnerani, ikeriinnakkut, sunngiffimmi piniartuunermit inuussutissarsiutigalugu piniartunngorsinnaanngilatit

• Nammineerlutit kommunerivit allaffianut nunaqarfiulluunniit allaffianut saaffiginnissaatit

• Nutaamik piniarnermut allagartartaarsinnaanngilatit, allagartartaaravit akiliutigisimasavit uppernarsaataa annaasimagukku. Aalisarnermut, Piniarnermut                     Nunalerinermullu Naalakkersuisoqarfimmut saaffiginnissaatit

• Piniarnermut allagartavit atuunnera sivitsorniutigalugu akiliisinnaanngilatit