Ujaruk

Inuussutissat pillugit inatsiliorneq

Namminersorlutik Oqartussat 1992-imi nersutit nakorsaasa nakkutilliinerinut aamma inuussutissat pillugit akisussaaffiup ilaanut tunngasut, peqqinnissaqarfik tiguneqarmat tiguaat. Oqartussaaffiit pingaarnerit ilaat tassaavoq nunatsinni nerisassanik tuniniaasarneq.

Nersutinut Nakorsaqarnermut Inuussutissalerinermullu tunngasuni Oqartussaqarfiup malittarisassiornissaq akisussaaffigaa kiisalu oqartussaaffinnik tiguneqartunik inatsisiliuunnissai malinneqarnissaalu ilanngullugit.

Kalaallit Nunaata maanna tigusimasai nersutiut nakorsaqarnermut inuussutissalerinermullu tunngasut tassaapput:

  1. Nunatsinni tunisassianik misissuineq, akuersissuteqartarneq nakkutilliinerlu
  2. Nersutit nappaataannik inunnut tunillaasuisinnaasunik nakkutilliineq akiuiniarnerlu, (nappaatit uumasuniit inunnut tunillaasorsinnaasut) matumani trikinit perlerornerlu
  3. Inuussutissanik uumasunit pisutut isigineqanngitsunik avammut tunisineq

Oqartussaaffiit tiguneqartut saniatigut Danmarkimi Fødevarestyrelsep (FVST) Kalaallit Nunaanni Namminersorlutik Oqartussat FVST sinnerlugu suliassanik makkuninnga isumaginittussatut pisinnaatippaat:

  1. Tammajuitsussarsiat ilaannut peqqissutsikkut EU-mut uppernarsaasiineq
  2. Qimminik, qitsunnik, saanilunnik timmissallu ilaannik, kikkaasunik aalisakkanillu Danmarkimit Kalaallit Nunaannut eqqussinermi akuersissutit

Tamatuma saniatigut Kalaallit Nunaanni Namminersorlutik Oqartussat  Inuussutissalerinikkut Killeqarfimmi nakkutilliiviit, Boarder inspection Post - BIP-it inuttalernissaat aamma suleqatigiiffigissallugit isumaqatigiissusiorfiginikuuaat.

1. november 2014 aallarnerfigalugu nerisassanik nioqqutissiat nerisassallu pillugit suliffieqarfinnut malittarisassat makku atuupput:

  • Atuisartunut pisisarturtullu siunnersuisartoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaat nr. 10, 13. november 1986-imeersoq. Uani atuaruk.

  • Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaat nr. 17, 28. oktober 1993-imeersoq. Uani atuaruk.
  • Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaata allanngortinneqarneranik Inatsisartut peqqussutaat nr. 7, 2. maj 1996-imeersoq. Uani atuaruk.
  • Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaata allanngortinneqarneranik Inatsisartut peqqussutaat nr. 9, 31. maj 2001-imeersoq (Uumassusilinnut tappiorannartunut tunngatillugu pitsaassutsimik nakkutilliineq). Uani atuaruk.
  • Suliffeqarfiit inuussutissaleriffiusut pillugit Namminersornerullutik Oqartussat nalunaarutaat nr. 21, 27. juli 1998-imeersoq. Uani atuaruk.
  • Erngup imigassap pitsaassusia aamma imermik pilersuiviit nakkutigineqarnerat pillugit Namminersornerullutik Oqartussat nalunaarutaat nr. 7, 17. marts 2008-imeersoq. Uani atuaruk.