Ujaruk

Aalisariutinik alapernaarsuineq

Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANA) qaammataasakkut atortut iluaqutigalugit aalisariutit nakkutigissavai. Angallatit aalajangersimasut inuussutissarsiutigalugu aalisarnermik ingerlatsiniarunik nakkutiginninnermut atortunik ikkussuinissamut pisussaaffeqarput

Piumasaqaatit uku arlaat minnerpaamik naammassigukku nakkutiginninnermi atortunik ikkussuissaatit:

  • Angallatit 50 BRT/90 BT-itut taannalu sinnerlugu angitigippat (angallatip uuttornerata allagartaa malillugu)
  • Angallammi suliarinninnissamut akuersissuteqaruit, angallativit angissusaa apeqqutaatinnagu,
  • Kalaallit Nunaata aalisarnikkut oqartussaaffigisaani aalisariummiit aalisakkanik imaluunniit aalisakkanit tunisassianik usilersoruit, angallativit angissusaa nunamiluunniit suminngaanneernera apeqqutaatinnagu
  • Nunat tamalaat imartaanni aamma nunat allat oqartussaaffigisaanni aalisaruit
  • Angallatit kalaallinit pigineqanngippat aamma kalaallit nunaata aalisarnikkut oqartussaaffigisaani aalisaruit.

Angallatinik nakkutiginninnermut inatsisitigut pisussaaffiusunut (FOE) atortunut, ikkussornerinut atorneqarnerinullu illit piginnittutut akiliissaatit. Atortut ikkussornissaannut najoqqutassiat pillugit annerutunerusumik uani atuarit.

FOE-nik ikkussuiguit imaluunniit piiarukkit tamanna KANUAANA-mut nalunaarutigissavat.  Taamaaliussaatit uppernarsaammik immersuinikkut.  Uppernarsaat uani aasinnaavat.

1. Sinerissamut qanittumi aalisarnermut atortut ARGOS, LEO imaluunniit Waterdog atussavatit.  Tassaasoq O.S.  Electronic A/S,  atortunik ARGOS aamma LEO niuertuuvoq (www.os.gl).

Sinerissamut qanittumi aalisarnermut atortut akuerineqarsimasut allattorsimaffiat

  • CLS-Argos: ARGOS MAR GE-R
  • CLS-LEO
  • Faria: Faria Watch Dog 750 VMS Iridium/GSM (GPRS)
  • Sirius One: SIR 10-4


2. Avataani aalisarnermi Inmarsat C atussavat.

Inmarsat C-mut atortunut DNID-p pissarsiarinissaanut akuersissummik qinnuteqassaatit. Immersugassaq uaniippoq. Avataani aalisarnermut atortut akuerisaasut allattorsimaffiat

  • Thrane-Thrane: TT-3022D, TT-3026L, TT-3026S taamaaqataalu TT-typit
  • Furuno: Felcom
  • Trimble
  • Sirius One: SIR 10-4
  • CLS-LEO

Kalaallit Nunaata killeqarfiata avataani aalisaruit nakkutiginninnermi atortut illit sumiiffiit oqartussatut attuumassuteqartunut ingerlaannartumik nassiutissavaa. Nunani ataasiakkaani nunallu tamalaat oqartussaaffigisaanni atuuttut maleruagassat erseqqinnerusumik ilisimasaqarfiginissaannut pisussaaffeqarputit. Atassuteqarfiit uani katersorneqarsimapput