Ujaruk

Inuttaanik nakkutilliineq

Inuttaqarnermiipput kalaallit angallataanni atorfillit suliffiillu qanoq qulakkeerneqarnissaat pillugu maleruagassat. Tassani inuttat katitigaanerannut tunngasut maleruagassat atuarsinnaavatit kiisalu immersugassat pisariaqartut aasinnaallugit

Angallatit kalaallit pigippassuk aamma angallatip uuttornerata allagartaa malillugu 50 BRT/90 BT-mik angineruppat, aalisariarnerup aallartinnissaa sioqqullugu, inuttat allattorsimaffiat KANUAANA-mut nassiutissavat. Allattuiffimmi atit, atorfiup taaguutaa, CPR-normu, kommuni najugarisaq aamma ilinniagaqarsimanermut uppernarsaat ilisimatitsissutigineqassapput. 

Immersugassat uani aasinnaavatit

Illit angallatinni aqumiut ikinnerpaamik 60 procentiisa inuttallu sinnerisa 100 procentiisa Kalaallit Nunaannut immikkut atassuteqarnerat KANUAANA-mit qulakkeerneqassaaq.

Inuttat ukiuni kingullerni marlunni Kalaallit Nunaanni inuit allattorsimaffiani nalunaarsorneqartumik najugaqarsimanersut, kiisalu ukiuni kingullerni marlunni Kalaallit Nunaanni tamakkiisumik akileraartarsimanersut KANUAANA-mit misissorneqassaaq.

Inuttaq ataaseq ilinniagaqarneq pissutigalugu ukiuni kingullerni marlunni Kalaallit Nunaannit qimagussimappat piffissaq taanna inuit allattorsimaffiani nalunaarsorneqartumik najugaqarsimaneq pillugu piumasaqaammit peerneqarneq ajorpoq.