Ujaruk

KANUAANA atuisoqatigiit

Atuisoqatigiit KANUAANA-mit pilersinneqarsimavoq aalisarnermik nakkutilliinermi aamma piniarnermut aallaaniarnermullu nakkutilliinermi soqutigisaqaqatigiit ilisimatittarusullugit.
Atuisoqatigiit allaffissornermi, inuussutissarsiornermi kiisalu NGO-ni sinniisunit inuttalersugaavoq pisuussutinillu uumassusilinnik aqutsinerup nakkutilliinerullu ersarissuullunilu paasiuminartuunissaanik qulakkiisussaalluni

Atuisoqatigiit pilersinneqarsimapput aalisarnermik piniarnermillu nakkutilliinermi suliniutit pillugit soquti-gisaqaqatigiinnik ilisimatitsisoqartarniassammat tamatumunnga ilanngullugit nakkutilliinikkut periutsit takorluukkallu pillugit. 

Atuisoqatigit aamma oqallittarfiusinnaavoq assersuutigalugu tulaassanik nakkutilliinermi sammisat pillugit aamma qanoq iliornikkut nakkutilliineq akuusunut tamanut eqaannerusumik ingerlanneqarsinnaanersoq pillugit. 

Ilanngullugu atuisoqatigiinnit nakkutilliinermut ilaatinneqartussat nutaat pillugit siunnersuuteqarsinnaapput tamakku aalisarnermi nakkutilliinermut attuumassuteqarsin-naasut. Aammattaaq nakkutilliinerup qanoq ingerlanneqartarnissaanut atuisoqatigiit aalajangeeqataasartuunngillat.

Atuisoqatigiit siammasinnerpaamik katitigaanissaat toqqarneqarnikuuvoq qulakkeerniarlugu soqutigisaqaqatigiit tamarmik sapinngisamik pitsaanerpaamik ilisimatinneqartarnissaat taamalu pitsaasumik anguniagaqarfiusumillu oqallinnermut peqataaqataasinnaallutik. 

Kikkut tamarmik piumassutsiminnik peqataapput namminneq peqatigiiffimminnut suleqatigiiffimminnulluunniit sinniisutut. Ataatsimiinnerni peqataanernut ajunngitsorsiaqartitsisoqaranilu ullormusiaqartitsisoqartanngilaq.

Siunnersuisoqatigiit ukiumut sisamariarlutik katersortinneqartassapput, imaluunniit nakkutilliinermi ma-lunnaatilimmik allanngortoqarpat imaluunniit suliassaritinneqartartut annertusisinneqarpata.

Atuisoqatigiit tulliuttunik ilaasortaqarpoq.

Ilaasortat:

Peqataasut qassiuneri

KANUAANA tassunga ilanngullugit KANUAANA-mi sulisoqatigiinnit sinniisut

-

Aalisarnermut immikkoortortaqarfik, Aalisarnermut, piniarnermut nunalerinermullu Naalakkersuisoqarfik

1

Pinngortitamut immikkoortortaqarfik, Nunamut namminermut, pinngortitamut avatangiisinullu Naalakkersuisoqarfik

1

Politiit

Arktisk Kommando

1

1

PI Pinngortitaleriffik

1

GA Kalaallit Nunaanni Sulisitsisut Peqatigiiffiat

1

KNAPK Kalaallit Nunaanni Aalisartut Piniartullu Kattuffiat

RAL – Royal Arctic Line

Sunngiffimmi piniartartut peqatigiiffiat

1

1

1

1

Avataq (Pinngortitaq avatangiisillu pillugit peqatigiiffik

1

Soqutigisaqaqatigiit allat KANUAANA-mi atuisoqatigiinnut ilaasortanngorusukkunik uunga saaffiginnissuteqarsinnaapput KANUAANA@nanoq.gl. Tamatuma kingorna Aalisarnermut, Piniarnermut Nunalerinermullu Naalakkersuisoqarfiup saaffiginnissut suliarissavaa.

Imaqarniliat uani atuarsinnaavatit: