Ujaruk

Port State Control

Kilisaatit Atlantikup avannaanni nunani tamani aalisakkanik tulaassinerminni PSC akuersissummik nassitsisarnissaat pillugu Kalaallit Nunaat North East Atlantic Fisheries Commissionimik aamma North Atlantic Fisheries Organisationimik isumaqatigiissuteqarsimavoq

Port State Control (PSC) makkuninnga tulaassinermi atuutsinneqartarpoq

  • Sumiiffinni NEAFC-ip akuersissuteqarfigisaani (42 W kangiani) pisanik aalisakkanik qerisunik tulaassinermi
  • Imartani nunat tamalaat oqartussaaffigisaani sumiiffinni NAFO-p akuersissuteqarfigisaani (42 W kitaani) aalisakkanit tunisassiat tamarmik

Pisanik tulaassinermi oqartussaasut marluk akuersissuteqartartussaapput: nuna umiarsuup erfalasoqarfigisaa pisat pillugit paasissutissanik misissuisussaq aamma umiarsualivimmut oqartussaasut tulaassat pillugit akuersissuteqarlunilu misissuisinnaatitaasoq.

KANUAANA umiarsuarnut nunanut allaneersunut Kalaallit Nunaanni tulaassisunut tunngatillugu umiarsualivimmi oqartussaasutut inissisimavoq aamma kalaallit umiarsuuat nunani allani tulaassitillugit nuna umiarsuup erfalasoqarfigisaasa oqartussaassuatut inissisimasarluni.

Tulaanniakkat annertussusaat kingusinnerpaamik ulloq tulaassiviusussaq ulluni suliffiusuni pingasunik sioqqullugu nalinginnaasumik nalunaarutigineqartarput. Norgemut tulaassisussaatillutit tulaassinissaq nalunaaquttap akunnerinik 24-inik sioqqullugu nalunaaruteqarsinnaatitaavutit. Tulaanniakkat nammineq pisarsimanerlugit umiarsuarmilluunniit allamit usilersuussimanerlugit nalunaarutigisussaavatit.

- North Atlantic Fisheries Organization-imi (NAFO) maleruagassat aasinnaavatit unalu aqqutigalugu http://www.nafo.int/fisheries/frames/fishery.html PSC-immersugassat umiarsualiviillu akuerisat allattorsimaffiat (designated ports) aasinnaallugit. Immersugassat immersorneqarsimasut umiarsualiviup pisannik tulaassiffiginiakkap oqartussaasuinut nassiunneqassaaq. 

UmUmiarsualivinnut akuerisaasunut attavissat adressii, e-mail aamma faxnormui nittartakkamissaaq nanisinnaavatit. Umiarsualivimmut oqartussaasup immersugassat immersorneqarsimasut nunap umiarsuup erfalasoqarfigisaata oqartussaasuinut nassiutissavai, immersugassat immersorneqarsimasut uppernarsariarlugit umiarsualivimmut oqartussaasunut utertissavaat tamatumalu kingorna tulaassinissaq akuerineqarsinnaalissaaq itigartinneqarluniluunniit.

- North East Atlantic Fisheries Commission-imi  (NEAFC) aamma http://www.neafc.org/mcs/psc-imi nammineq sullissivik atorlugu qarasaasiakkut nalunaaruteqarnissamut periarfissaqarputit. Umiarsuup naalagaatut atuisinnaasunngortinneqaqqaassaatit, taamaasillutit nammineq sullississutit atorsinnaalerlugit PSC-inillu qinnuteqarsinnaalerlutit. 

 http://www.neafc.org/portstatecontrol-imi ilitsersuutit NEAFC-illu susassaqarfiini umiarsualiviit akuerisaasut (designated ports) allattorsimaffiat aasinnaavatit. Umiarsualivimmut oqartussaasut aamma nunami umiarsuup erfalasoqarfigisaani oqartussaasut nammineq sullississut aqqutigalugu tulaassinissaq tamarmik immikkut akuersissuteqarfigisinnaallugulu itigartissinnaavaat. Umiarsuup naalagaatut nittartagaq aqqutigalugu PSC-qinnuteqaativit sumut killissimanera malinnaaffigisinnaavat.

Umiarsuit nunanit allaneersut, PSC-imut ilaasut, Nuummuinnaq tulaassisinnaatitaapput.

Eqqaamallugu:

Ulloq 7/1/15 aallarnerfigalugu allanngortitsisoqarmat taamaasillunilu PSC-it atuutissallutik aalisakkanit tunisassiat tamarmik NEAFC-ip akuersissuteqarfigisaanit (42 W kangiani)

  • Tulaanneqartunut
  • Imartani nunat tamalaat oqartussaaffigisaani piffinni NAFO-p akuersissuteqarfigisaani (42 W kitaani) aalisakkanit tunisassianut tamanut

Tamatuma kinguneranik tunisassiat NEAFC-ip akuersissuteqarfigisaani angallatinit pisarineqarsimasut qeritinneqarsimanngitsut tankimilu toqqartaatigineqarsimasunut tamanut tunngatillugu PSC-mut ilaasussanngorput.

Maleruagassat nutaat atuusilersinneranut patsisaavoq FAO-p Port State Measures Agreement (PSMA) NEAFC-ip PSC-ianut ilanngutitinneqarsimanera.