Ujaruk

EU-mut uppernarsaasersuisarneq

EU-mut avammut niuissagaanni aalisakkat aalisakkanillu tunisassiat uppernarsaammik ataatsimik ingiaqateqartassapput, taassuma qulakkeertarpaa pisat unioqqutitsisuunngitsumik aalisarneqarsimanerat. Tamanna unioqqutitsisumik aalisarnerup akiorniarneqarnerani iliuusaavoq pingaaruteqartoq

Kalaallisut avammut niuertuullutit aalisakkat aalisakkanillu tunisassiat EU-mut avammut nioqqutigisavit pisarineqarsimanerinut uppernarsaasersuinermik qinnuteqartussaavutit.  Tunisassiat uppernarsaasersuiffigineqarsimasussat pillugit allattuiffik takuuk uani (qallunaatuinnaavoq)

KANUAANA-p akisussaaffigaa kalaallit uppernarsaasersuisimaneri uppernarsassallugit, tamakkuninngalu ingerlatsinissamut uppernarsaanissamullu nammineerluni sullissivimmik pilersitsisimalluni. 

Nammineerluni sullissivimmik atuisinnaanissamut piumasaqaataavoq, illit avammut niuertutut pilersinneqarsimanissat, kiisalu pisanik nalunaarutiginninnerit tamarmik KANUAANA-p qarasaasiaqarfiani nalunaarsorneqarsimassasut akuersissutigineqarsimallutillu. 

Pilersitsiniaruit KANUAANA-certificates@nanoq.gl-imut nassiussaqassaatit:

  • Sulisut nammineerluni sullissivimmik atuisartussat atsiortarsinnaanissaannut  piginnaatitsissut. Immersugassaq uani aasinnaavat (qallunaatuinnaavoq)
  • Avammut niuersinnaanermut akuersissut atuuttoq, uani suliaritissinnaavat  Inussutissarsiornermut Naalakkersuisoqarfimmi
  • Umiarsuup naalagaanut imaluunniit angallatinit tamanit 12 meterinit takinerusunit, piginnaatitsissut. Immersugassaq uani aasinnaavat.
  • Umiarsuup tunitsiviup naalagaanut piginnaatitsissut. Immersugassaq uani aassinnaavat.

Siullermik tulliusumilluunniit pisiortortartuuguit imaluunniit umiarsuaatileqatigiiffiullutit, qarasaasiamit atuarneqarsinnaasumik fil-imik pilersitsissaatit, nassiunniakkavit avammut niuerutíginiakkatit eqqoqqissaartumik matussuserlugit. Immersugassaq ilitsersuullu uani. (qallunaatuinnaavoq)

Pisanik nalunaarutiginninneq, nalunaarutiniit imaluunniit tunisaniit pissarsiaq, KANUAANA-mut nalunaarutigineqarsimassaaq, akuersissutigineqarsimassallunilu uppernarsaatinik uppernarsarneqarnissaat kissaatigisavit uppernarsarneqarnissaat qinnutigilersinnagu.

Ugguunaarlutit nammineerluni sullinneqarneq aallartissinnaavat. Nammineerluni sullinneqarnermut ilitsersuut uani aasinnaavat.(qallunaatuinnaavoq)

Nunami allamiut angallataannit aalisakkanik suliarinneqqikkuit, nassiussat ingiaqateqartissavatit suliarinneqqiisimanermut uppernarsaammik (Appendiks(Ilanngussaq) 4). taanna KANUAANA-mit nunami allamiut pisaasa uppernarsaataat tunngavigalugit suliarineqartoq. Ilanngussaq 4-mut immersugassaq uani aasinnaavat, (tuluttuuinnaavoq) kiisalu ilitsersuut uani. (Qallunaatuinnaavoq) og vejledning her.

KANUAANA-mit taamaallaat pisanit, kalaallit aalisariutaanneersunit aamma kalaallit suliarinneqqissimanerinit uppernarsaatineersut uppernarsaatit suliarineqartarput. Tamanna ima isumaqarpoq, aalisakkat aalisakkanillu tunisassiat illit avammut nioqqutigisatit, aalisariummit nunani allaneersuneerpata, angallammut

Erfalasoqartitsilluni nalagaaffittut oqartussaasumit pisanut uppernarsaatinik qinnuteqaateqartussaavutit. Paarlattuanik kalaallit aalisariutaat, pisaminik nunani allamiumut umiarsuaannut tunitsiviusumut usingiarpat, siullermik KANUAANA-mit uppernarsaammik qinnuteqaqqaassaatit tamatumalu kingorna ilanngussaq 4-mik qinnuteqassallutit umiarsuarmut tunitsiviusumut Erfalasoqartitsilluni nalagaaffittut oqartussaasumit.

Eqqaamajuk pisanik nalunaarutiginninneq eqqortuunngippat amigaateqarlunilu imaluunniit pilersuisuvit ilaat ataasiinnarluunniit unioqqutitsisumik pisanit aalisakkanik pisisimappat, assersuutigalugu aalisarsinnaanermut akuersissuteqanngitsumit, imaluunniit unioqqutitsisumik pisarisuukkaneersunit, KANUAANA-p uppernarsaatigisat itigartitsissutigisinnaavaa. 

Akuerisaasumik uppernarsaateqartoqanngippat, EU-mi oqartussaasunit eqqussuinissaq akuerineqarsinnaassanngilaq. Taamannak pisoqarpat, nioqqutissaatitit Kalaallit Nunaannut utertinneqassapput imaluunniit suujunnaarsinneqassallutik. 

Taamaattumik illit avammut niuertutut qularnaassavat, pilersuisuvit malittarisassat eqquutittassagaat, aalisarnermut tunisisarnermut atuuttut.

EU Kommissionip unioqqutitsisumik aalisarnerup akiorneqarniarnera pillugu nittartagaani uani atuarsinnaavat  (tuluttuuinnaavoq)  inatsisiliornikkut tunngavigisaq.

Uani aamma allattuiffik takusinnaavat (tuluttuuinnaavoq)  EU-mi umiarsualiviit pillugit taakkunani kalaallit angallataat toqqaannartumik usingiarsinnaasoq. Uanilu (tuluttuuinnavoq) immikkut danskit umiarsualivii pillugit allattuiffik.

Allakkatit attaqarnerit tamarmik KANUAANA-mut EU-mi uppernarsaasersuisarneq pillugu taamaallaat ingerlanneqarsinnaapput KANUAANA aqqutigalugu-certificates@nanoq.gl