Ujaruk

Raajat

Inuussutissarsiutigalugu aalisartuuguit, sinerissap qanittuani raajarniartilernat aalisarnermut akuersissummik peqartariaqassaatit

Raajat ukioq kaajallallugu aalisarneqarsinnaapput.

Inuussutissarsiutigalugu raajarniarnermik ingerlataqarumaguit, aalisarnermut akuersissummik, aalisagartassatut pisassat procentiannik aamma ukiumut aalisagartassinneqarnermik nalunaarummik, aalisagartassat amerlassusissaata allassimaffiannik allattuiffigineqarsimasumik, peqassaatit.

Raajat aalisagartassiissutinit pisassat pillugit Naalakkersuisut ukiut tamaasa aalajangertarpaat.

Matuma kingorna raajarniartunik umiarsuaatileqatigiit assigiinngitsut aalisagartassanik agguaassiffigineqartarput.

Aalisagartassiissutinit pisassat ilaannik pisiniaruit, raajarniarnermut aalisagartassiissutinik niuerfimmi raajarniarluni umiarsuaatilinnit assigiinngitsunit pisisinnaavutit.

Raajartassat pisassiissutigineqarsimasut niuerutigineqarneri tamakkerlutik Aalisarnermut, Piniarnermut Nunalerinermullu Naalakkersuisoqarfimmit akuerineqartussaapput.

Raajanut aalisagartassiissutinit pisassat ilaannik pigisaqaruit, nunatta karsianut ukiumoortumik akitsuummik akiliuteqassaatit.

Akuersissutip allagartaanik tunniussinermut atatillugu taamatuttaaq tonsimut ataatsimut tunniunneqartutut nalunaarutigineqartunut tamanut akitsuut 60 koruuniusoq akileqquneqartarpoq.

Raajarniutip pisaata allattuivianut pisatit nalunaartassavatit.

Raajarniarumallutit aalisarnermut akuersissummik uunga saaffiginnillutit qinnuteqarsinnaavutit.

Aalisarnermut, Piniarnermut Nunalerinermullu Naalakkersuisoqarfik

Imaneq 4

Postboks 269

3900 Nuuk

E-mail: apnn@nanoq.gl