Ujaruk

2019-mi avaleraasartoorniarneq ammassassuarniarnerlu

2019-imi avaleraasartuunik ammassassuarnillu agguaassinissamut piumasaqaatit

Naalakkersuisut decemberip 20-anni 2018-imi Tunumi avaleraasartuunik ammassassuarnillu pisassiissutit ima aalajangersarpaat:

Avaleraasartuut 59.729 tons

Ammassassuit              25.000 tons

Naalakkersuisut martsip aallaqqaataa 2019-imi APNN-imit inassummik tigusaqareerlutik avaleraasartuunik ammassassuarnillu agguaassinissamut piumasaqaatit pillugit aalajangiipput.

 

Avaleraasartuut

2019-imi avaleraasartuunut piumasaqaatit tassaapput:

-          pisassiissutinit 54.729 tonsit, ingerlatseqatigiiffinnut kalaallit aalisariutaannik peqartunut agguaanneqassasut[1]. Pisassiissutit kalaallit aalisariutaannut piumasaqaatinik naammassinnittunut assigiimmik agguarneqassapput.

-          5.000 tonsit pisassiissutit sillimmataattut immikkoortinneqarput. Pisassiissutit taakku ingerlatseqatigiiffinnut pisassiissutinik aallarniutaasumik agguaassanik tamakkiisumik aalisareersimasunut APNN-ip tunniussinnaavai. Taakku 5.000 tonsit kalaallit aalisariutaannut immikkoortinneqarsimapput.

-          Pisassiissutit 54.729 tonsiusut agguarneqarsimasut amerlanerpaamik akuersissummut ataatsimut 40 %-ii aalisariutit attartorneqarsimasut atorlugit aalisarneqarsinnaapput. Tassa imaappoq, oqimaannerpaamik 21.892 tonsit, nunanit allanit aalisariutit attartorneqarsimasut atorlugit aalisarneqarsinnaapput. Taamaalilluni ingerlatseqatigiiffiit kalaallit aalisariutaannik peqartut taamaallaat, pisassiissutigineqarsimasunik aalisarnissaminnut aalisariutinik allanik attartorsinnaapput.

-          Tunumi avaleraasartoortassat 59.729 tonsiusut annerpaamik 20 %-ii, nunat tamalaat imartaanni aalisarneqarsinnaapput. Tassa imaappoq avaleraasartuut oqimaannerpaamik 11.946 tonsit nunat tamalaat imartaanni aalisarneqarsinnaapput.  Aalisarsinnaaneq kalaallit aalisariutaannut immikkoortinneqarsimavoq. Nunat tamalaat imartaanni aalisarneq piffissami taaneqartumi ingerlanneqarsinnaavoq:

-          Aalisarnissamut akuersissutip tunniunneqarfianiit 30. juni ilanngullugu

-          aamma 1. septembarimiittaaq.

-          Imaluunniit Kalaallit Nunaata imartaani avaleraasartoortassat ikinnerpaamik 80 %-ii ingerlatseqatigiiffiup aalisareerpagit.

Assersuut: Kalaallit Nunaata imartaani ingerlatseqatigiiffiup avaleraasartoortassami 80 %-ii ulloq 20. august aalisareersimappagit, ingerlatseqatigiiffiup angallataataa Kalaallit Nunaanneersoq, ulloq 20. august aallarnerfigalugu nunat tamalaat imartaanni avaleraasartoorniarsinnaalissaaq.

-          Tunumi avaleraasartoortassat tamakkiisumik ulloq 1. septemer 2019-imi aalisarneqarsimanngippata agguaasseqqittoqassaaq taamaalilluni avaleraasartoorniarnermi pisassiissutit sinneri (oqimaannerpaamik 11.946 tonsit) kalaallit aalisariutaasa, nunat tamalaat imartaanni avaleraasartoorniarusuttut, akornanni naligiimmik agguaanneqassallutik.

 

Ammassassuit

Ammassassuarnut 2019-imi piumasaqaatit tassaapput:

Ingerlatseqatigiiffinnut avaleraasartoortassanik tunineqarsimasunut ammassassuartassat immikkoortinneqarput.

-            Pisassiissutit amerlanerpaamik 40 %-ii aalisariutit attartukkat atorlugit aalisarneqarsinnaapput. Taamaalilluni ingerlatseqatigiiffiit kalaallit aalisariutaannik peqartut taamaallaat, pisassiissutigineqarsimasunik aalisarnissaminnut aalisariutinik allanik attartorsinnaapput.


Avaleraasartuunik ammassassuarnillu 2019 aalisarnissamut nunanit allanit aalisariutinik attartorneq

Angallatit avaleraasartoorniutitut aamma ammassassuarniutitut attartorneqartut nunaniit NAFO-mi, NEAFC-imi ilaasortaneersuussapput imaluunniit Nunani umiarsualiveqarfiusuni oqartussaanerup iliuuseqarfigineqarnissaa pillugu isumaqatigiissutaanut ilaasuussapput, tassa aalisarnermi aalajangersugaanngitsumik unioqqutitsisumik, nalunaaruteqartannginnermut killilersugaanngitsumillu aalisarnermik pinaveersaartitsisussatut isumaqatigiissummut ilaasuninngaanneertuussapput (IUU-aalisarneq)[2].

 

Pisassiissutinik agguaaqqinneq

Tamanna pisariaqartinneqalissappat aalisarnerup ingerlanerani avaleraasartuunut ammassassuarnullu pisassiissutit agguataaqqinnissaannut Aalisarnermut, Piniarnermut Nunalerinermullu Naalakkersuisoq pisinnaatitaavoq.

 

Qinnuteqaat

Ikerinnarsiorluni aalisarnissamut qinnuteqarnissamut immersugassaq atorlugu qinnuteqartoqassaaq.

 

Qinnuteqarnissamut periarfissaq kingulleq 21. marts 2019 kiisalu qinnuteqaat apnn@nanoq.gl-imut nassiunneqassaaq.


 

 



[1] Kalaallit aalisariutaat imatut paasineqassaaq, Aalisarsinnaanermut akuersissutit pillugit nalunaarummi § 17 naapertorlugu APNN-imit ulloq 1. januar 2019-imi aalisariutitut akuerineqarsimasoq.

[2] Isumaqatigiissummut nunat atsiorsimasut pillugit tamakkiisumik takussutissiaq uani nassaarineqarsinnaavoq http://www.fao.org/fileadmin/user_upload/legal/docs/037s-e.pdf