Ujaruk

Saattuat

Inuussutissarsiutigalugu aalisartuuguit avataanilu saattuarniarniaruit, aalisarnermut akuersissummik peqartariaqassaatit

Avataani saattuanut aqutsiveqarfeqanngilaq, 3 sømililli killeqarfiata avataani saattuarniartoqartarpoq.

Sumiiffinni sisamani, Paamiut avataanni, Maniitsoq/Kangaamiut avataanni, Sisimiut avataanni Aasiaallu avataanni killilinnik saattuarniartoqartarpoq. 

Saattuarniarfigineqartartut nalinginnaasumik 3 sømilimik killeqarfeqartut  3 sømilinik ilasaapput.

Paamiut karsianni, Maniitsoq/Kangaamiut karsianni, Sisimiut  karsianni aamma Aasiaat karsianni aalisariutit 120 BT-nit mikinerusut aalisarsinnaatitaapput.

Tamanna saattuarniarnermut peqqussummi uani atuarneqarsinnaavoq.

Saattuarniutit amerlanerpaamik marluk avataani ataatsikkut saattuarniarsinnaapput.

Saattuarniartillutit  kalunnermi ataatsimi amerlanerpaanik 100-nik pullateqassaatit, pullativit qassutitaasa nigartaasa minnerpaaffigissaat 70 milimeteriussalluni.

Angusalluinnaat  qaleruaat minnerpaamik 10 centimeteriusut pisarisinnaavatit. Arnarluit angallammiitinneqassanngillat avalatseqqinneqartassallutik.

Saattuat alliartornerminni qaleruatik taarsertarpaat, piffissap ilaani aqitsumik qaleruaqartarlutik.

Saattuartavit 20 procentii sinnerlugit aqitsuuppata, saattuarniarnerit unitsissavat allamulluunniit saattuarniariartorlutit.