Ujaruk

Nunami suliffiliineq

Nunami suliffik tassaavoq aalisakkerivik qerititsivilluunniit. Aalisakkanut aalisakkeriviuppat nunamiluunniit uumasunik pisarineqarsimasunik tunitsiviuppat, nunami suliffittut pineqassaaq

Nunami suliffiup aalisartut piniartullu pisaminnik tunisaqarsinnaanissaannut periarfissaqartitsisuuvoq, ingammik aalisakkat tunineqarsinnaanissaannut. Aalisakkat piffissap ilaani takkuttartunut, soorlu nipisat suaannut tunitsiviulluni, aammali puisinut, arfernut, tuttunut, umimmannut paarnanullu.

Nunani tunisassiorfinnut tunineqartartut amerlanersaat sinerissap qanittuani pisarineqarsimasut tunisassiarineqarput.

Nunatsinni pisarineqartartut affaat illoqarfinni assigiinngitsuni tunisassiorfinni tunisassiarineqartarput. Pisat allat umiarsuarni tunitsiviusuni tunisassiarineqarput nunanulluunniit allanut tunineqartarput, nunani allani tunisassiarineqartarlutik.

Nunami tunisassiorfiliussaguit akuersissummik peqqaartariaqassaatit. Qinnuteqaatit Aalisarnermut, Piniarnermut Nunalerinermullu Naalakkersuisoqarfimmut nassiutissavat.

Uani nunami tunitsiviliornissamut piumasaqaatit, ingerlatsineq allaffissornerlu pillugit atuarsinnaavit. 

Nunami tunisassiorfiliortitsinermi kallerup innera imerlu tunisassiornermi pisariaqartinneqartoq naammalluartorlu pisariaqarpoq.

Nunami tunisassiorfiliortitsiniaruit tunisassiorfilluunniit allilerniarukku Nukissiorfinniillu pilersorneqartussatut naatsorsuutigigukku, taava qinnuteqaatit Nukissiorfinnut nassiutissavat. Qinnuteqaatinni kallerup inneranik imermillu siunissami atuisarnissaa pillugu allassavat.

Inuussutissat pillugit nalunaarut naapertorlugu inuussutissat pillugit qullersaqarfimmit

pisinnaassuseqartitaanermik akuerineqarsimasariaqassaatit. Nerisassanik tunisassiorsinnaanissamut pisinnaassuseqartitaanermik akuersissuteqartoqartariaqassalluni.

Uani nerisassanik tunisassiornermut inatsit atuarsinnaavat. Apnn@nanoq.gl-mut allallutit Nukissiorfiit paasissutissaataai pillugit piniarsinnaavatit.

Nunami tunisassiorfik sulisussaqanngikkuni sulisunilluunniit amigartunik sulisoqarpat umiarsuarmik tunitsiviusinnaasussamik akuersisoqarsinnaavoq, tamannali aatsaat pisariaqartinneqavippat pisinnaavoq.