Ujaruk

Misileraalluni aalisarneq

Nunatta imartaani misileraallutit aalisassaguit Namminersornerullutik Oqartussanit akuersissummik peqqaartariaqassaatit

Inuussutissarsiutigalugu aalisartut ineriartornissaat unammillersinnaanissaallu tapersersorumallugit, misileraanissamut akuersissummik aningaasanillu qinnuteqarsinnaanissamut periarfissaqarpoq.

Misileraallutit aalisarnerit naammassigukku pisussaavutit nalunaarummik nassiussissallutit, misileraanissamut taperneqarsimaguit taperneqarsimanngikkaluaruilluunniit.

Aalisariaatsip nutaap aallartinnissaanut periarfissat pillugit nutaanik ilisimasanik pissarsiniarnermi misileraalluni aalisarneq periutsit ilagaat, ilutigisaanik pinngortitaq aamma aalisakkat ataasiakkaat mianerineqarput. 

Misileraalluni aalisarneq assersuutigalugu tassaasinnaavoq:

  • Sumiiffimmi siusinnerusukkut aalisarsinnaanermik inerteqquteqarfiusimasumi aalisarneq
  • Aalisakkanik nalinginnaasumik aalisarneqanngitsunik, assersuutigalugu eqqusanik tupissutinilluunniit
  • Atortut allat periutsillu allat nalinginnaasumik atorneqartartunit allaanerusut atorlugit aalisarneq

Sinerissap qanittuani avataaniluunniit misileraasoqarsinnaavoq. Inuussutissarsiutigalugu aalisartuuguit imaluunniit piginneqatigiilluni umiarsuaatilinnut imaluunniit suliffeqarfimmi piginneqataaguit.

Misileraalluni aalisarnissamut siunnersuummik peqaruit qinnuteqaammik allagaqassaatit. Qinnuteqaatinni ilanngullugit allassavatit:

  • Misileraalluni aalisarnermik sooq ingerlatserusunnersutit
  • Aalisagaq imaluunniit aalisakkat sorliit aalisarumanerlugit kissaatiginerit
  • Sumiiffimmi sorlermi aalisarnissat kissaatiginerit
  • Aalisakkat qanoq amerlatigisut pisarinissaat kissaatiginerit
  • Aalisarnermi atortut periuserlu sorleq atorumanerlugu kissaatiginerit
  • Aalisarnermullu aalisariut qanoq ittoq atorniarneqarnersoq
  • Missingersuutit tapiissuteqarnissamillu qinnuteqarnerlutit  

KNAPK-mut saaffiginnillutit qinnuteqaatinnik ikiorneqarsinnaavutit.


Qinnuteqaatit uunga nassiutissavat:

Aalisarnermut, Piniarnermut Nunalerinermullu Naalakkersuisoqarfik

Imaneq 4, Postboks 269

3900 Nuuk

apnn@nanoq.gl