Ujaruk

Nunami uumasut miluumasut

Kalaallit Nunaanni nunami miluumasut assigiinngitsut arfineq pingasuupput, tuttut umimmaallu pingaarnersaallutik

Quppernerni ukunani Kalaallit Nunaanni nunami miluumasut pingaarnerit, tassaasut tuttut umimmaallu pillugit atuarsinnaavutit.

Ukallit aamma terianniat aamma aallaaniarsinnaavatit. Kalaallit Nunaanni nunami uumasut allat tassaapput narlumukaaq, ukaliatsiaq qaqutigoornerusullu amaroq aamma qappik.

Piniariartarfinni sorlerni killilersuinerit aammalu sumi tuttunniaqqusaannginnerit umimmanniaqqusaannginnerillu paasiniassavatit.

Nunap immikkoortuani tuttukiffiusumi umimmakiffiusumilu najugaqaruit, piniarnermut allagartaqarlutik qinnuteqartut akornanni agguaanerit makitsinikkut pisarput.

Tuttut umimmaallu pisatit tamatigut nalunaarusiortassavatit, immikkut nalunaarsuilluni immersugassaq aammalu ukiumoortumik immersugassaq atorlugit. Pisannik nalunaarusiavit aqutsisoqarfimmit tiguneqarnissaa pingaartuuvoq. 

Taamaaliornikkut piniagassaativut pillugit pisat kisitsisitigut paasissutissiissutigineqarnissaat aamma nungusaataanngitsumik atorneqarnissaat qulakkeerinneqataaffigissavat.

Uani  Kalaallit Nunaanni nunami uumasut atiisa neqinillu iluanaarutaasut allattorsimaffiat aasinnaavat.