Ujaruk

Takornarianut aalisarsinnaanissamut akuersissut

Kalaallit Nunaanni takornariartut tikeraarnerminnut atatillugu aalisarusuttut aalisarsinnaanissamut akuersissummik pisiaqarsimasariaqarput

Takornariatut Kalaallit Nunaanni aalisarusukkuit aalisarsinnaanissamut akuersissummik pisiaqarsimassaatit.

Aalisarsinnaanissamut akuersissummik Kalaallit Nunaaniitillutit Kalaallit Nunaannukartinnalluunniit pisisinnaavutit. Tassunga tunngatillugu ilitsersuutit uani atuarsinnaavatit www.greenland.com/lystfiskeri

Aalisarsinnaanissamut akuersissutinik arlalinnik pisissaguit, taakku ataasiakkaarlugit pisiarisariaqassavatit. 

Aalisarnermut, Piniarnermut Nunalerinermullu Naalakkersuisoqarfiup kontoanut aningaaseriviit aqqutigalugit aningaasanik ikisinikkut akuersissutit pisiarisinnaavatit.

Grønlandsbanken (Bank of Greenland)

Nalunaarsuiffimmi normua: 6471 - Konto normua: 1002160

Aningaasanik ima amerlatigisunik akiliissaatit:

A: Aalisarnissamut akuersissut nalunaaquttap akunnerinut 24-nut: DKR 75 koruunit

B: Aalisarnissamut akuersissut sapaatip akunneranut: DKR 200 koruunit

C: Aalisarnissamut akuersissut qaammammut: DKR 500 koruunit

Aningaaserivikkut akiliinerpit uppernarsaatitaa pappiaraq aalisarsinnaanermut akuersissutitut nammineq atussavat. Taannalu aalisartillutit tamatigut nassartassavat.

Akiliuteqarneq ataani pineqartunik oqaasertalerneqarsimassaaq, aamma taakku illit uppernarsaatinni allassimassapput:

1)         Kinguliavit naqinnertai siulliit 9-t – soorlu Kristiansenimut “Kristians”

2)         Ativit naqinnertai siulliit 3-t – soorlu Michaelimut “Mic”

3)         Qaammatip aalisarnissamut akuersissutip atuutilerfissaatut kissaatigisavit naqinnertai siulliit 3-t – soorlu juunimut “juni”

4)         Ulloq siulleq aalisarnissamut akuersissutip atuutilerfissatut kissaatigisat – soorlu ”21”

5)         Assersuummi tassani oqaasertaliunneqartoq tassaalerpoq: “Kristians mic juni 21”