Ujaruk

Takornarissanut akiliuteqarluni piniartitsineq

Kikkulluunniit Kalaallit Nunaanni piniarusuttut aallaaniarsinnaanermut akuersissummik peqassapput. Piniarsinnaanermut allagartartaassagaanni piumasaqatit ilagaat Kalaallit Nunaanni najugaqartutut inuit nalunaarsorsimaffianni nalunaarsorsimanissaq. Takornariaaguit aallaaniarsinnaanermut allagartamik tunineqarsinnaanat

Takornariatut Kalaallit Nunaanni aallaaniarnissat kissaatigigukku aallaaniartitsinermik aaqqissuisoq akuerisaasoq aallaaniaqatigissavat.   www.greenland.com.-imi paasisaqarnerusinnaavutit

Piumasaqaatit pillugit aaqqissuisup makku ilisimatitsisissutigissavai:

  • Angerlarsimaffittut nunagisami piniarsinnaanermut uppernarsaat pillugu piumasaqaatit
  • Aallaasit nammineerlutit atugassatit qanoq eqqussinnaaneritit

Tamatuma saniatigut aaqqissuisoq makku pillugit ilisimatitsisinnaavoq:

  • Aallaaniarneq aamma eqqissisimatitsineq pillugit aalajangersakkat
  • Aallaasit pillugit inatsit
  • Nunat aallaaniarfiusartut ataasiakkaat
  • Tammajuitsussiassanik pisanik pissusissaatut piareersaalluni suliaqartarneq
  • Isumannaallisaaneq

Akiliuteqarluni aallaaniarneq/piniarneq

Takornariartut aamma sumiiffimmi innuttaasut nunatsinni tammajuitsussiassanik aallaaniartitsinermut ilaasinnaapput, akiliuteqarluni aallaaniartitsinermik aaqqissuisumit akuerisaasumit tammajuitsussiassanik aallaaniarnermik aaqqissuussamik pisinermikkut.

Akiliuteqarluni aallaaniartitsinermik aaqqissuisartut akuerisaasut ullumikkut 40-t missaanni amerlassuseqarput. Taama aaqqissuussisarnerit pingaarnerusumik Kangerlussuarmi, Ivittuuni, Naternami, Nuummi, Ittoqqortoormiini aamma Qaanaami ingerlanneqartarput, pingaarnerusumillu umimmannik tuttunnillu tammajuitsussiassanik aallaaniartitsinerusarlutik. 

Tuttunik aamma umimmannik tammajuitsussiassanik aallaaniartitsisarnerup saniatigut, ukalernik, teriannianik, timmissanik aamma puisinik piniarneq, akiliuteqarluni aallaaniartitsisarnerit aaqqissuisartup neqeroorutigisinnaasarpai.

Akiliuteqarluni piniartitsinernik aaqqissuussinerit angalatitsivinnik assigiingitsunik imaluunniit tammajuitsussiassanik piniartitsinernik aaqqissuisartunit ataasiakkaanit suleqateqarnikkut neqeroorutigineqartarput.

Tammajuitsussiassanik piniartitsinernik aaqqissuussanik neqerooruteqartartumik ujaasisinnaavutit, Visit Greenlandip nittartagaani: www.greenland.com.

Nunatsinni aallaaniarnermi peqataassaguit piumasaqaataavoq:

  • Akiliuteqartitsilluni aallaaniartitsinermik aaqqissuisartumi akuerisaasumi, tammajuitsussiassanik aallaaniartitsinermik aaqqissuisartumik akuerisaasumik pissarsisimanissat qularnaarsimassagit
  • § 13 immikkoortoq 1 naapertorlugu angerlarsimaffittut nunagisamiit aallaaniarsinnaanermut allagartamik (imaluunniit aallaaniarsinnaanermut uppernarsaammik) atuuttumik takutitaqarnissat
  • § 13 immikkoortoq 2 naapertorlugu, umimmanniarsinnaatitaanermut tuttunniarsinnaatitanermulluunniit sukkulluunniit uppernarsaat (akuersissut) atuuttoq nersummut piniarneqartumut tunngatitaq takutissinnaasariaqassavat
  • Pisissimik qarsumillu akiliuteqartitsilluni piniarnermi pisissimik atuisinnaanermut pikkorissarnermi angusisimanermut uppernarsaat takutissavat.

Nammineq atugassanik aallaasinik tikisitsinissamut qinnuteqartoqarsinnaavoq Kalaallit Nunaanni politiinut saaffiginninnikkut:

Kalaallit Nunaanni Politiit

Imaneq 22, 3900 Nuuk

Oqarasuaat (+299) 32 14 48

E-mail: politi@politi.gl

Akiliuteqarluni aallaaniarsinnaanermik aaqqissuussinissamut akuersissut

Kalaallit Nunaanni akiliuteqarluni aallaaniarnermik aaqqissuisutut sulisinnaavutit. Pisinnaasatit makkuussapput:

  • Kalaallit Nunaanni aalajangersimasumik najugaqartutut inuit nalunaarsorsimaffianni nalunaarsorneqarsimaneq
  • Inatsisit naapertorlugit Kalaallit Nunaanni inuussutissarsiuteqartutut piumasaqaatinik naammassinnissimaneq
  • Aallaaniarnermut tunngasuni immikkut paasisimasaqarluarneq
  • Akiliuteqarluni aallaaniartitsinermi isumannaallisaanikkut isumannaatsumik ingerlatsisinnaaneq
  • Akuersissummut tunniunneqarsimasumut tunngatillugu piniakkamut aamma piniariaatsimut pineqartumut akiliuteqarluni piniartitsisinnaanermik aaqqissuusisuusinnaanermik uppernarsaasinnaaneq

Aamma piumasaqaataavoq tuttunut umimmannullu akiliuteqarluni aallaaniartitsilluni aaqqissuussisisartutut allagartartaarnissamut, aamma piumasarineqarpoq Kalaallit Nunaanni tammajuitsussiassanik piniartitsinermut aaqqissuusisartutut pikkorissarsimanermi angusisimanissaq, imaluunniit pissuseqataanik piginnaasaqarnermik uppernarsaasinnaaneq.

Piumasaqaatit taaneqartut minnerpaamik naammmassineqarpata qinnuteqaammik uunga nassitsisoqarsinnaavoq:

Aalisarnermut, Piniarnermut Nunalerinermullu Naalakkersuisoqarfik

Imaneq 1A, 7. sal

Postboks 269

3900 Nuuk

E-mail: APNN@nanoq.gl