Ujaruk

Periusissialikkatut Avatangiisinik Nalilersuineq (PAN)

Periusissialikkatut Avatangiisinik Nalilersuinerup (PAN-ip) siunertaa tassaavoq annertunerusumik pilersaarusiornermut, imaluunniit angisuunik suliniuteqarnermut atatillugu naalakkersuinikkut aalajangiisarnermik ingerlassami siusissukkut avatangiisini ajornartorsiutinik aamma avatangiisinut tunngatillugu iluarsiissutissatut piukkunnaatilinnik misissueqqissaarinissaq, pisortanillu tamanna suliarineqartarpoq.

Piviusutut siunertaa tassaavoq pingaarnerusutut nunamut tamarmut nunal­lu ilaanut pilersaarusiornermut atatillugu naalakkersuinikkut isumaliutaasu­ni ilaasussanik avatangiisinut tunngasutut sammisanut attuumassuteqartu­nut ilisimasanik isummanillu katersuinissaq, ilaatigut killup tungaanut ava-tangiisini kingunerisinnaasanik pinaveersitsinissamik imaluunniit annikilli­saanissamik siunertaqartunik. Ilaatigut pineqartoq tassaavoq suliarisassaq aalajangersimasoq suliarineqartariaqarnersoq, aammalu sumi suliarine­qartariaqarnersoq, taamaalilluni naalakkersuinikkut allaffissornikkullu piler­saarusiornermi piviusunik avatangiisini sianigisassanik ilanngussuisoqar­sinnaassammat.

Avatangiisip isumaaniipput timitalittut avatangiisit (naasut, uumasut, nuna, nunap sananeqaataa, imeq, silaannaq, silap pissusaa, kulturikkut eriagi­sassat, nukissaq, isumalluutit), peqqinneq (nappaatit, ajutoornerit il.il.), inuit (pilersaarusiorneq, nunassittarnerup pissusaa, ilinniarsimaneq, suliffeqar­neq, pinerluttarneq il.il), aningaasaqarnerlu (nunap ilaani aningaasaqarneq, nuna tamakkerlugu aningaasaqarneq il.il).

PAN-imit paasissutissat amerlasuut Avatangiisinut Sunniutaasussanik Nalilersuinerup (ASN-ip) ilaani atorneqarsinnaapput.

Pinngortitamut Avatangiisinullu Naalakkersuisoqarfik periusissialikkatut avatangiisinik nalilersuinermut (PAN-imut) akisussaasuuvoq.

Aluminiumik suliniummut atatillugu periusissialikkatut avatangiisinik naliler­suineq annertunermik paasisaqarfigerusukkukku www.smv.gl iserfigiuk, tassanilu ipput paasissutissat tunuliaqutit, nalunaarusiat aamma tusarniaanermi akissutit.