Ujaruk

Aluminiuliorfimmit

Aluminiuliorfimmik ingerlatsinerup nalaani toqqaannartumik sunniutaasut pingaarnertut tassaapput akuutissaneersut. Akuutissanik aniatitsineq annerpaaq tassaavoq aatsitsivinnit pinngortutut pujoq. Taamaattumik aatsitsiviit matoqqalluinnartuupput, pujorlu ruujorikkut minguiaasarfimmut ingerlatinneqartarpoq, ingammik flouritai svovlitaalu sapinngisamik annertunerpaamik putsumit immikkoortinneqarlutillu tunisassiornermi atoqqinneqartarlutik.

muljøpåvirkning Østisland

Assimi takuneqarsinnaavoq Islandip kangiani Fjardaálimi Alcoap aluminiuliorfia. Saamia’tungaaniippoq umiarsualivik, talerpia’tungaani aluminiuliorfippiaq. Aatsitsiviit illorsuisa akornanni takuneqarsinnaavoq putsumik minguiaavik (ruujorit sungaartut pujoorfillu portusooq).

Putsumik minguiaaviup pitsaasusia misissortuarniarlugu aluminiuliorfiup eqqaani silaannaap pitsaassusaa misissorneqartuarpoq.

luftmålestation

Naasuttaaq aatsitsiviup eqqaaniittut misissorneqassapput. Misissuinerit qanoq aniatitsisoqartiginissaannut killiliinissamut atorneqarumaarput, soorlu fluorimut tunngatillugu. Aniatitsinerup annertussusissaa annikinnerpaamiisaaq, aatsitsiviup avatangiisinut aniatitsinera akornutaassanngippat.

Immami sunniutaasinnaasut misissorniarlugit aalisagaatit immamilu uumasut assigiinngisitaarneri pillugit ilisimasaqarnissaq pisariaqarpoq. ASN-ip ilaatut aluminiuliorfiup eqqaani uumasut assigiinngisitaarnerat misissorneqarpoq. Tamatuma saniatigut eqaluit pigisat misissorneqarput, sumiiffimmilu aalisartut isumasiorneqarlutik.

Akuutissat avatangiisinut sunniuteqartarnerisa sniatigut assersuutigalugu nipiliornermik timitalittut sunniisoqarsinnaavoq. ASN-imut misissuinermi ilanngunneqarpoq aluminiuliorfiup eqqaanni nipiliorsinnaaneq. Nunami aluminiuliorfimmik sanaartorneq aamma isigisatigut toqqaannartumik sunniivoq. Suliniutip immikkoortuisa tamarmik sunniutigisinnaasaat misissorneqarput, tassaniillutik aluminiuliorfissaq, umiarsualivittassaa, erngup nukinganik nukissiorfimmit aluminiuliorfimmut innaallagissap aqqutissai aammalu erngup nukinganik nukissiorfiit namminneq.

Aluminiuliorfiup pinngortitamut uumasunullu sunniutigisinnaasaanik misissugarinerisa saniatigut innuttaasut peqqissusaat misissorneqarpoq. Aluminiuliorfissarpiamut tunngatillugu peqqissuseq sianigineqarpoq, aamma toqqaannartumik aatsitsivimmut attuumassuteqanngikkaluarluni sunniutigisinnaasai. Tamatuma aamma nassatarisinnaavaa inuit inooriaasiisa allanngornerat, taamaalillunilu peqqissutsikkut inuuneq ajornerulersinnaalluni imaluunniit pitsaanerulersinnaalluni.