Ujaruk

Najukkani Avatangiisinut sunniutit

Suliffeqarfiit sanaartorfiillu allat assigalugit aluminiuliorfik, erngup nukinganik nukissiorfiit innaallagissallu aqqutai tunisassiorfiit ingerlatsiviillu allat assigalugit sumiiffinnut qanittuniittunut sunniuteqartarput. Saniatigut sanaartornerup nalaani sunniutaagallartut, aamma ingerlatsinerup nalaani ataavartussanik sunniutaasut akornanni assigiinngissuteqartoqarpoq.

Sunniutit piviusut tassaasinnaapput kuup ingerlanerata allanngortinnera, akuutissanit timikkullu sunniutit, soorlu nipiliornertut ittut. Aamma tunisassiorfimmit nutaamit toqqaannartuunnginnerusutut sunniutitut angallanneq, najukkami inuiaqatigiinnut sunniineq, pissutsillu allat nutaat atuussinnaapput.

Sunniutit taakku sunik kinguneqarsinnaanerat paasisimalersinnagit atuuttussat piviusut arlallit, aammalu sorlermik assersuussinissamik tunngaveqarneq pillugit ilisimalikkat annertusaqqaartariaqarput. Allatut oqaatigalugu: Suliniutaasinnaasoq pigitinnagu ullumikkut avatangiisut qanoq ittuuppat? Aallaavigisassaq, ”tunngaviusunik misissuinertut” taaneqartoq pillugu aatsaat taamatut ilisimasaqalersilluni suliniutip avatangiisunut qanoq sunniuteqarsinnaanera, aammalu killup tungaanut sunniutaasinnaasut annikillisarniarlugit qanoq iliortoqarsinnaanera pillugu nalunaarusiortoqarsinnaalissaaq.

Akuutissartalinnik aniatitsinernut akuerisaasunik ajoqusiinngitsunillu killissaqartitsinernik Kalaallit Nunaanni suliniutip naapertuutsitsinera nakkutigiuarneqassaaq, aammalu suliniummi avatangiisit pillugit akuersissutaasuni malittarisassasut aalajangersakkat malittarineraa nakkutigineqarluni. Tamanna ASN pillugu immikkoortumi tunngaviusunik misissuinernut tunngavissiissummi (Terms of Referencemi) erseqqinnerusumik nassuiarneqarpoq.