Ujaruk

Innuttaasunik ataatsimiisitsinerit

Misissuinerit ingerlatallu pillugit paasisitsinissaq siunertaralugu ASN-imik misissuinerup ilaatut kikkut tamarmik ingerlatamut ilanngussorneqartuassapput, aamma ASN-mik misissuilluni suliaqarnermut innuttaasut apeqquteqarnissamut isummaminnillu ilapittuuteqarnissamut periarfissinneqassallutik.

Aluminiuliorfiliornermut tunngatillugu innuttaasunik ataatsimiisitsinerit tas­saasimapput suliniummut tunngatillugu tamatigoortumik ilisimatitsiniarluni ataatsimiisitsinerit, aamma piviusutigut avatangiisinik misissuinernut ingerlanneqartunut tunngasuusimallutik.

borgermøder

Tunngaviusumik misissuinernut atatillugu pilersaarutaasup tamanut saq­qummiunneqarneranut aamma ammasumik tusarniaassutaaneranut atas­suteqarfilerlugu innuttaasunik ataatsimiisitsinerit siulliit pipput. Innuttaasu­nik ataatsimiititsinermi pilersaarut saqqummiunneqarpoq aammalu tamatu­ma kingornagut ilisimatuut assigiinngitsut, ASN-imik misissuinernik suliallit oqaloqatiginissaat periarfissaalluni. Suliaq pillugu annertunerusumik paasissutissiiumalluni taamaaliortoqarpoq, aammali ilisimatuut innuttaasut tungaannit tunngaviusumik misissuinerup ingerlanneqarfissaanut innuttaasunit paasissutissanik pissarsissammata.

Tunngaviusumik misissuinernut inaarutaasumik misissuinissamut pilersaa­rutip suliarineranut innuttaasunit apeqqutit taakkuninngalu oqaloqateqarne­rit ilanngussuunneqarput, aammalu Terms of Reference-mik taaneqartumi allassimallutik.

Tunngaviusumik misissuinerit naammassinerisa kingornatigut taakkunini pingaarnertut inerniliussat saqqummiunneqarput, innuttaasunillu ataatsimiisitsinerni assiliarsuarni arlalinni takutinneqarput.

borgermøder 2

Avatangiisinik nalilersuinerup inerneri suliarineqareerpata innuttaasunik ataatsimiisitsinissat pilersaarutaasimapput. Taanna tunngaviusumik misis­suinerit inereerpata, pilersaarutillu teknikkimut tunngasortaata qanoq ittuu­nissaa aalajangiulluarneqariarpat suliarineqarsinnaavoq. Avatangiisinut sunniutaasinnaasunik nalilersuineq ineriarpat ASN pillugu nassuiaatissa­mut tamakkiisumut allaqqaagaq ammasumik tusarniaassutaassaaq, innut­taasunillu ataatsimiisitsinerni saqqummiunneqarluni. Taamaaliortoqareer­pat aatsaat ASN pillugu nalunaarusiaq oqartussaasunut akuerisassanngor­lugu tunniunneqassaaq