Ujaruk

Tunngaviusunik misissuinerit - ToR

Tunngaviusunik misissuinerit tassaapput avatangiisinut sunniutissanik nalilersuinermut tunngatillugu avatangiisinik misissuinerit tunngavigisat. Tamakkua suliniutip sunniutigilersinnaasaanik nalilersuisinnaajumalluni suliarineqartussaapput. Taamaaliornikkut ullumikkut pissutsinut tunngatillugu ilisimasat qulakkeerniarneqarput, taamaalilluni suliniutit sunniutigisinnaasaasa misissoqqissaarneqarsinnaassammata.

Suut, tamakkulu qanoq misissorneqarnissaat suliniutip misissuinissamut pilersaarutaani nassuiarneqarput. Teknikikkut taagutaat eqqortoq tassaavoq Terms of Reference for the Environmental Impact Assessment for the Greenland Smelter Project (ToR-imik naalisarneqartoq). Tamanna kalaallisut imatut nassuiarneqarsinnaavoq: tunngaviusumik suliassaasut misissuinerillu suliarineqartariaqartut ASN-imik misissuinerit naammagi­nartumik paasissutissiisut suliarineqarsinnaaniassammata. Suliamik taassuminnga aqutsisussatut nunat tamalaani siunnersorteqarfik nunar­passuarnut tunngatillugu avatangiisinik nalilersuinermik immikkut ilisima­saqartuusoq, ERM, suliniummik ingerlatsisussatut suliassinneqarpoq. Misissuinerit aalajangersimasut arlallit ilaatigut Pinngortitaleriffimmit aamma Danmarks Miljø Undersøgelsemit, ukiorpassuarni Kalaallit Nunaanni avatangiisinut tunngatillugu misissuinermut tunngassutilinnik misissuisarnikkut immikkut ilisimasaqarluarlersimasunit, ingerlanneqartussaapput.

Tunngaviusunik misissuinernut atatillugu soqutigisallit ilaatinneqartussaap­put, soorlu aamma ASN-inik misissuinerit allanut tunngatillugu taamaalior­toqartartoq.

ToR-imi asimi misissukkani, allaffissorlunilu misissugassat suunerinik erseqqissumik tamanik takussutissiissummik, aammalu iliuutsinik apeqqutinillu innuttaasut tungaanniit pissarsiarineqartunik imaqarpoq.

ToR-ip tuluttuua uani aaneqarsinnaavoq.