Ujaruk

Silap pissusia aamma avatangiisit

Ullumikkut siunissamilu inuiaqatigiit akuuffigisatta isumalluutigisaanni pinngortitaq pingaarnerpaat ilagaat. Aamma Kalaallit Nunaanni alumi­niuliorfiliorneq oqaluuserineqaraangat piujuartutut pinngortitamit isu­malluutit aamma sanioqqussassaanngillat. Taamaattumik annertuumik tunisassiorfiliornerup avatangiisinik aamma silap pissusaanik qanoq sunniuteqarnerata qulakkeerlugulu misissornissaa pingaartuuvoq.

Avatangiisinik misissuinerit

Inuussutissarsiorfimmi suliniut, ilanngullugu annertuumik sanaartorneq, inuiaqatigiinnut, avatangiisinut pinngortitamullu sunniuteqarsinnaasoq aallartinneqaraangat avatangiisinut misissuinerit aamma avatangiisinut sunniutaasussanik nalilersuinerit suliarineqarnissaat piumasaqaataasar­poq. Taamaalilluni suliniut piujuartitsisuusoq qulakkeerneqartarpoq.

Suut qanorlu misissugarinissaat suliniummit malittarisassianillu atuuttu­nit aalajangerneqartarput. Pisortat suliniutip akuersissutiginissaanut akuerinnittumik imaluunniit akerliliisumik inaarutaasumik aalajangius­sitinnagit tunisassiorfissuup pingaarnerpaatut ilorraap killullu tungaanut kingunerisinnaasai pillugit ilisimasanik pisarialinnik avatangiisinik mi­sissuinerit qulakkeerissapput.


Periutsit aamma ingerlassat

Avatangiisinik misissuinerni periutsip nunat tamalaani akuerisaasima­nissaa pingaartuuvoq, aammalu kikkunnik tamanik ilanngussuiuarluni ingerlassap ammasuunissaa pineqassalluni.

Ineriartortitsisup sorliup sumilu kissaatigineqarnissaanut naleqqiullugu naalakkersuinikkut aalajangiinissamut ingerlassami avatangiisinut tun­ngatillugu sianiginnittussamik qularnaarisussamik Namminersorlutik Oqartussat Periusissialikkatut Avatangiisinik Nalilersuineq (PSN) ingerlappaat.

Aluminiuliorfiliornissaq pillugu suliniummut piviusumut atatillugu suli­niut annertuumik Avatangiisinut Sunniutaasussanik Nalilersuinerup (ASN-ip) suliarinissaanut akisussaaffeqarpoq. Taassuma suliniutip sun­niuteqarfii annikitsortalersorlugu nassuiassavai, kiisalu killup tungaanut sunniutit qanoq suliaqarfigalugit annikillisarsinnaaneri nassuiassallugit. ASN-imik misissuineq kingornatigut avatangiisinut pisortaasunit akuer­sissutigineqassaaq, taakku ilaatigut najoqqutassat akuerisaasut najoqqu­taralugit misissuinerit suliarineqarsimanerannik misissuissallutik. Suliniutip ilai ataasiakkaat tamarmik misissorneqassapput, tamannalu pillugu inaarutaasumik akuerineqartinnagu Namminersorlutik Oqartussanut ataatsimoortitatut nassuiaasiaq tunniunneqassaaq.

ASN aamma PAN nunat tamalaani ileqqorisanik tunngaveqarput, taakkunanissaaq najukkani pissutsit ilaatinneqarlutik.