Ujaruk

Aluminiuliorfiup inissiffissaatut siunnersuutigisaq

Maniitsup qeqertaani aluminiuliorfiusinnaasup inissinnissaa pillugu aalajangiussap piviusutut misissuinerit aallartissinnaanngortippai, taakkunani suliniut najukkamilu attaveqarfinni sanaartugassat qanoq ingerlanneqarnissaat paasiniarneqarlutik, kiisalu aluminiumik suliniutip najukkami inuiaqatigiit akornanni attaveqarfimmik misissuisoqarluni.

Placering af aluminiumsværk

placering kort

Maniitsup qeqertartaani aluminiuliorfimmik inissiineq illoqarfimmi inu­iaqatigiioreersunut qanimut attaviliissaaq. Inissiinermut atatillugu Ma­niitsup illoqarfianiit aluminiuliorfimmut aqquserngiortoqassaaq. Aqqu­serngiassap qanorpiaq ingerlaveqarnissaa ilusilernissaalu suli isumaliu­tigineqarput, 11 km-inilli takissuseqarnissaa naatsorsuutigineqarpoq.

Aluminiuliorfik illoqarfimmit naleqquttumik ungasissuseqassaaq, suli­sut ajornanngitsumik pilertortumillu tassunga tassanngalu ingerlasin­naassallutik, aluminiuliorfilli illoqarfimmit malugineqarsinnaassanani. Illoqarfik suliffissuarlu qaqqamik akunneqassapput, tamatumalu sania­tigut aluminiuliorfik nammineq sissiugaqassalluni tunisassiassat tigoo­rarnissaannut inerlugillu tunisassiat umiarsuarnut usiliussuunnissaannut, kiisalu assartuutit oqimaatsut allat eqqarsaatigalugit.

Aluminiumsværk kort

Tamatumunnga peqatigitillugu aluminiuliorfimmut aqqusineq aamma "illoqarfiup immikkoortuanut nutaamut" qeqertap kangisissuani illoqar­fiup avannaani inissisimasumut aqqutaassaaq.

Aammattaaq aqqusineq taanna Ataani inuussutissarsiutit nutaat pilersinnissaannut periarfissiissaaq.

"Illoqarfiup immikkoortua nutaaq" massakkut illoqarfiusumit avinnga­rusimassaaq nunap qanoq issusia pissutaalluni, taamaakkaluartorli aluminiuliorfiup illoqarfiviullu akornanni ataneqartitsisuussalluni.

Qeqqata Kommunia pilersaarusiornerit ingerlateqqinnerini suliniutinik arlalinnik aallartitsivoq illoqarfiup immikkoortuata nutaap ilusilernis­saanut innuttaasut namminneq takorluugaat pilersaarusiornermi ilan­ngunneqartussanngorlugit. Tamatuma saniatigut angallannikkut annertu­saanissat tamarmiusut Maniitsullu alliartortinnissaanut periarfissat mi­sissorlugit Qeqqata Kommunia Namminersorlutillu Oqartussat suleqatigiipput.