Ujaruk

Kalaallit Nunaanni aluminiumik tunisassiorneq

Kalaallit Nunaanni aluminiumik tunisassiorfiliorneq pillugu isummat nutaajunngillat – 1970-ikkunniilli Sisimiuni aatsitsiviliornissamik suliniut isumaliutigineqareerpoq.

2006-imi aluminiuliorfiliornissaq pillugu suliniut nutaaq ilusiligaavoq. Suliniulli nunat tamalaani aningaasaqarnikkut artukkerfeqarneq, aamma aluminiumik niuffaffimmik artukkiisoq pissutigalugu piviusunngun­ngilaq. Taamaattorli pingaarnertut akit nikerarneri niuffaffimmilu pissutsit aningaasaliisartut isaannit suniummik kajungernarseqqilerpata aamma taamatut pissappata suliniutip naammassiniarsareqqinnissaa pillugu illua’tungeriit isumaqatigiipput.

Isumaqatigiissutaaqqaartumut ilassutitut tatsinit, aluminiumik suliniummut inniminnikkanit erngup nukinganik nukissiornissamut piukkunnaammik atugaqarnissamut ingerlatseqatigiiffiit allat periarfissinneqarnissaannut periarfissamik ammaasoqarpoq.

Suliniummut taama ittumut inaarutaasumik aalajangiussineq pitinnagu suli teknikkikkut, aningaasaqarnikkut aamma inuiaqatigiinnut tunngasunik misissuinerit amerlasuut ingerlanneqartussaassapput. Immikkoortumut matumunnga quppernerni allani suliniummut ingerlassat naammassineqartut, imaluunniit pilersaarutaasut pillugit atugaqarsinnaavutit, soorlulusooq nalunaarusiat allagaatillu suliarineqarsimasut nassaarisinnaallugit.