Ujaruk

Inuiaqatigiit aamma aningaasaqarneq

Kalaallit Nunaanni erngup nukinganik nukissiorfimmut attavilikkatut tuni­sassiorfissuarmik piviusunngortitsineq inuiaqatiginnut aningaasaqarnermul­lu assut pingaaruteqassaaq. Pinngortitamit isumalluut ataavartoq, erngup nukinga suliffinnik aalaakkaasunik avammullu tunisinermik pilersitsinermut atorneqarsinnaassaaq, taamaalillunilu napatinnerusumik aningaasaqarne­rup tungaanut ingerlassami annertuumik ilapittuutaasinnaalluni.

Tamanna sapinngisamik pitsaanerpaamik, kingunerisinnaasanik ilorraap tungaanut amerlanerpaanik, killullu tungaanut ikinnerpaanik peqartumik pi­sinnaassappat suliniutaasinnaasumut naleqqiullugu inuiaqatigiit akuuffigi­sagut aningaasaqarnitsinnullu tunngatillugu pissutsit arlalippassuit misissu­garinissaat pisariaqarpoq. Iluanaarutaasinnaasut arlalippassuusinnaapput, taakkuli namminneq takkunnavianngillat, pisariaqartissavaallu suliarisassat iliuuserisassallu arlallit. Ungasissorli isigalugu Kalaallit Nunaata sulisartuu­taasa siullertut pingaarnertullu assersuutigalugu aluminiuliorfimmi atuuffin­nik tamanik isumaginnissinnaalertariaqarput, taamaalillutik sulisartut ka­laallit suliffeqarfinnit iluanaaruteqarfiunnginnerusunit, kiisalu pisortat suliffe­qarfiinit nuussinnaanngorlutik.

samfund og økonomi

Ilinniartitsineq eqqarsaatigalugu piffissaq ungasinnerusoq eqqarsaatigalu­gu pilersitat aallartinneqareerput, iluatsinnissaat pingaaruteqarlutik, alumi­niuliorfittut ittumik tunisassiorfissuup pilersinneranut tunngasuinnaanngit­sumik, aammali tamatigoortutut Kalaallit Nunaanni inuiaqatigiit inuussu­tissarsiutillu ineriartortinneranut annertuumik tunngasumik.

Suliniutip periarfissanik tunniussinnaasaanik suliniummi taama angitigisumi misissuinissaq pingaartuuvoq, aammali ajoqutaasutut misigineqarsinnaa­sunik aarleqqutit kingunerisassallu misissortariaqarput. Misissuinerit arlallit aallartisarneqareerlutillu naammassineqareerput, ingammik inuiaqatiginni aningaasaqarnermut suliffeqarfimmullu tunngasut. Tulliuttussaq tassaavoq nunap ilaanut sunniutaasinnaasunik misissuinissaq, aammalu sulisussanik amerlasuunik pissarsiniarneqartillugu, sulisussat ilaqutaasalu inuussutis­sarsiutinut siuarsakkanut illoqarfinnullu alliartorfiusunut nutsertitsinissaq eqqarsaatigalugu naalakkersuinikkut iliuuseqarsinnaanerit.