Ujaruk

Suleqatigiinnissamik isumaqatigiissut - IBA

Aatsitassanut ikummatissanullu inatsit malillugu aatsitassarsiortutut ingerlatseqatigiiffiit Kalaallit Nunaanni inuiaqatigiinnut tunngasutigut pissutsinik annertuumik sunniuteqartunik suliarisassanik ingerlataqarnissamik kissaateqartut Inuiaqatigiinni Piujuartitsineq pillugu Nalilersuinermik nalunaarusiaq (VSB-mik nalunaarusiaq) suliarisaavaat. Nalunaarusiaq Naalakkersuisunit akuerineqartussaavoq. Tamanna aatsitassanik (aatsitassarsiornermik suliniutinik) atuinissamik akuersissutit, aamma kulbrintinik ujaasilluni qillerinerit pillugit qinnuteqaatinut atatillugu tamanna atuuppoq.

Aatsitassarsiortutut ingerlatseqatigiiffiit Aatsitassanut ikummatissanullu inatsisip tamanna pillugu aalajangersagai malillugit, aamma Aatsitassarsiornermi suliat ingerlasarnerinut tunngatillugu aamma VSB-imut nalunaarusiamik suliaqartarneq pillugu ilitsersuut malillugu VSB-mik nalunaarusiussapput.

Aatsitassanut ikummatissanullu inatsit malillugu assersuutigalugu aatsitassarsiornermik suliniummut imaluunniit ujaasilluni qillerinermut atatillugu Kalaallit Nunaanni suliffeqarfit qanoq annertutigisumik atugaanissaat Naalakkersuisut aalajangiisinnaapput.

Aatsitassarsiorfimmik pilersitsinissamik imaluunniit ujaasilluni qillerinermik suliaqarnissamik aatsitassarsiortutut ingerlatseqatigiiffiup kissaateqarnera apeqqutaatinnagu aatsitassarsiortutut ingerlatseqatigiffiup VSB-mik nalunaarusiami aatsitassarsiorfimmut imaluunniit ujaasilluni qillerinermut suliffeqarfiutilittut suliassanik aamma kiffartuussissutinik pilersuuteqarnermik suliaqarsinnaassusaannik Kalaallit Nunaanni suliffeqarfiit qanoq annertutigisumik isumaginnissinnaanerat nassuiassavaa.

Aatsitassarsiornermik suliniutini Kalaallit Nunaanni suliffeqarfinnik atugaqarnerit

VSB-mik nalunaarusianik tunngaveqarlutik suleqatigiinnissamik isumaqatigiissutini (IBA-ni) Naalakkersuisut, kommunip attuumassuteqarfiup/-fiit, aamma aatsitassarsiortutut ingerlatseqatigiiffiup aatsitassarsiortutut imaluunniit uuliasiortutut ingerlatseqatigiiffik Kalaallit Nunaanni suliffeqarfinnik qanoq annertutigisumik atugarnissaa aalajangissavaat.

IBA pingaarnertut immikkoortunut marlunnut immikkoortortaqarpoq:

1: IBA-mi immikkoortoq nalinginnaq

Suleqatigiinnissamik isumaqatigiissutip immikkoortuani nalinginnarmi ilaatigut makku ilaasinnaapput:

  • Neqeroortitsinermut atatillugu ilisimatitsissuteqarnissamut piumasaqaatit pillugit aalajangersakkat tamatigoortut
  • Nioeqqutissanik kiffartuussissutinillu pisiortornermut atatillugu ilisimatitsissuteqarnissamut piumasaqaatit
  • Kalaallit Nunaanni suliffeqarfinnik suleqateqarnissaq pillugu aalajangersakkat.

2: IBA-mut suliniutinut tunngassuteqartutut suliffeqarfimmullu attuumassuteqartutut ilanngussat

Suleqatigiinnissamut isumaqatigiissummut suliniutinut tunngassuteqartutut ilanngussat, Kalaallit Nunaanni suliffeqarfinnik atugaqarnissamut tunngassuteqartut immikkoortumi nalinginnarmi aalajangersakkanik tamatigoortunik nalinginnarmik immikkoortiterilluni nassuiaanerusarput. Taamaattumik suliffeqarfinnut attuumassuteqartutut ilanngussat immikkut ittuunerusunik piumasaqaatinik qaqutiguunngitsukkut imaqartassapput, soorlu makkuninnga:

  • Kalaallit Nunaanni suliffeqarfinni nioqqutissanik kiffartuussinernillu pisiortornissanut akinut %-i atugassaq
  • Isumaqatigiissutaasut annertussusaat sapinngisamik Kalaallit Nunaanni suliffeqarfiit pisinnaassusaannut naleqqussarneqassapput
  • Kalaallit Nunaanni suliffeqarfiinnarnut isumaqatigiissutit sorliit neqeroortitsissutaajumaartut
  • Kalaallit Nunaanni aamma nunani allani suliffeqarfinnut isumaqatigiissutit sorliit neqeroortitsissutaajumaartut
  • Sanaartornerup aamma ingerlatsinerup nalaanni Kalaallit Nunaanni suliffeqarfinnut nioqqutinik kiffartuussinernillu pisiortornissamut akigititassaq annikinnerpaaffiligaq
  • Neqeroortitsinermik ingerlataqartarnerit pillugit Kalaallit Nunaanni suliffeqarfinnut isumasioqatigiissitsineq
  • Kalaallit Nunaanni tusagassiorfinni neqeroortitsinernik nalunaaruteqartarnerit
  • Danskisut aamma kalaallisut oqaatsit atorlugit neqeroortitsinerup nalunaarutiginera
  • Sulisartunik kalaallinik atugaqarnerit
  • Kalaallinik ilinniartunik atorfinitsitsinerit
  • Neqeroortitsinermut isumaqatigiissutillu atsiornerinut atatillugu Kalaallit Nunaanni atugassarititanik atugaqarnerit
  • Neqeroortitsisoqarneranut atatillugu neqeroorutinik takkuttunik nalilersuinissamut najoqqutassani Kalaallit Nunaannit sulisartut, suliffeqarfiit ilinniartullu ilaatinnissaasa ilanngunneqarnissaa.


Aatsitassarsiortutut ingerlatseqatigiiffillu IBA’t suliaqarfigineqartut

Aatsitassarsiornermik suliffeqarfiusumi pisinnaatitsissummik piginnittullu suleqatigiinnissamik isumaqatigiissutinik suliaqarfiusunik ataani takussutissiaq takutitaqarpoq.

Ingerlasteqatigiiffik
Suliniut
Suliffeqarfinnut attuumas-suteqartutut aalajanger-sakkat ilanngussallu  IBA’mut linki
Ruby Greenland A/S
Rubinisiorfik
Aappaluttup eqqaani
Aalajangersagaq 10 & 11, aamma Ilanngussat 6, 7 & 8
IBA 2014/01
Ironbark A/S
Aqerlumik Zinkimillu aatsi-tassarsiorfik
Citronen Fjordip eqqaani
Aalajangersagaq 13 aamma Ilanngussat 7 & 8
IBA 2016/01
Hudson Greenland A/S
Anorthositimik aatsitassarsior-fik
Naajaat eqqaanni
Aalajangersagaq 11 aamma Ilanngussat 6, 7 & 8
IBA 2015/01