Ujaruk

Atuisartoqarnermut Unammilleqatigiinnermullu Aqutsisoqarfik

Niuerfiit ilaatigut isumalluutinik atuilluaasutut isigineqartut aamma atuisut suliffeqarfiillu akornini sunniiveqatigiilluartarnissaq Atuisartoqarnermut Unammilleqatigiinnermullu Aqutsisoqarfiup sullitarai.

Atuisartunut tunngatillugu aqutsisoqarfiup isumagisaraa atuisartunut pisisartunullu siunnersuisartoqatigiit, tuniniaasarneq, nalunaaqutsersuisarneq, Inatsisartut inatsisaanik aqutsineq aamma Atuisartunut Pisisartunullu Maalaaruteqartarfittut Ataatsimiititaliamut nioqqutissanik pisinermi kiffartuussinermilu maalaarutinik suliarinnittartumut allattaaneq.


Aqutsisoqarfik unammilleqatigiinnermut tunngatillugu kattunnerit annertuut akuersissutigisarpai, Unammilleqatigiinnermut inatsimmik unioqqutitsinerit misissortarpai suliaralugillu, aamma unammilleqatigiinnermi maleruaqqusat pillugit suliffeqarfiit pisortallu ilitsersortarlugit.

Ineqarnermut Naammagittaalliuuteqartarfimmut, Isumaginninnermi Naammagittaalliuuteqartarfimmut, Atuisartunut Pisisartunullu Maalaaruteqartarfimmut, Unammilleqatigiinnermut Ataatsimiititaliamut, Avatangiisit Innarlitsaaliorneqarnissaat pillugu Naammagittaalliuuteqartarfimmut aamma Pinngortitap Illersorneqarnera pillugu Ataatsimiititaliamut Atuisartoqarnermut Unammilleqatigiinnermullu Aqutsisoqarfik allattaavoq.

Atuisartoqarnermut Unammilleqatigiinnermullu Aqutsisoqarfiup isumagisarpai Nalunaarasuartaateqarnermi Aqutsisut aamma Radiomik Ingerlatsiviup suliassai.