Sulinermik inuussutissarsiortunut ikiorsiissutit (namminersortutut sulinermik inuussutissarsiortunut akissarsianut annaasanut taartsisiassat)
Annertussusai
Immikkoortitsisoqarpoq Kalaallit Nunaanni sulinermik inuussutissarsiortut akissarsiaannut annaasanut taartsisiassanik 107 mio. kr.-inik annertussuseqartunik, suliffeqarfiup sulisuminik soraarsitsinissamut taarsiullugu angerlartitsigallarnerani atorneqartartussanik COVID-19-ip kingunerisaanik.
Suliffeqarfiit sulisumi minnerpaamik 30 pct.-iinik soraarsitsissamaartut imaluunniit sulisunik 25-iniit amerlanerusunik aaqqissuussineq taanna atorlugu akissarsianut annaasassanut taartsisiaqartinneqarsinnaapput imatut aaqqissuussinerup iluani:
- Akissarsiassanut annaasanut taartsisiassat sulisorisap pineqartumut akissarsiaasa 90 pct.-iinut matussutaassapput, taamaattoq annertunerpaamik sulisumut ataatsimut qaammammut 20.190 kr.-it, angerlartitsinermi soraarsitsinissaagaluamut taarsiullugu.
- Suliffeqarfiup annerpaamik akissarsiassanut annaasanut taartsisiassat ulloq 30. september 2020 ilanngullugu. Akissarsiassanut annaasassanut taartsisiassat atorunnaassapput sulisitsisup sulisuni sulilerseqqippagu.
- Sulinermik inuutissarsiuteqartut ataasiakkaat suliffeqarfiup akissarsiaannut taartsisiaqartitsinermik aaqqissuussinermut qinnuteqaataasa sulinngiffeqarfissatik aamma / imaluunniit akunnerit katersatik afspadserigassatik katillugit ulluni 5-ini piffissami taartsisiaqartitsiviusumi ullunik 30-inik sivisussusilimmi atortassavaat. Ullut 30-ikkaat tamaasa sulinermik inuutissarsiortut ullunik sulinngiffeqarfissanik 5-inik atuisassapput imaluunnit akunnernik katersanik atuisassallutik. Sulisuusoq sulinngiffeqarfissaqanngippat, akunnernik katersanik atugassaqanngippat ullunut tallimanut akissarsiaqarani sulinngiffeqartoqassaaq.
Taamaallaat aningaasanut inatsimmi aningaasaliissutinik atugassiissutigineqanngitsunik atugassaqarpat tapersiissuteqartoqarsinnaavoq.
Malittarisassat
Suliffeqartunut ikiorsiissutinut malittarisassat 1. juni 2020-imeersut
Suliffeqarfiit
Suliffeqarfiit namminersortut kisimik aaqqissuussinermi ilaatinneqarput. Pisortani oqartussat, suliffeqarfiit imminut ingerlatsitat, aammalu ingerlatseqatigiiffiit tamakkiisumik ilaannaasumilluunniit pisortanit pigineqartut, qinnuteqarnissamut piginnaatitaanngillat.
Piffissaq
Suliffeqarfinnut namminersortunut akissarsianut annaasanut taartisiassat piffissami 19. marts 2020 - 30. september 2020, ullut taakkua tamaasa ilanngullugit, atuupput. Taartisiassat ulluni 14-ini aammalu qaammammut aningaasarsiassanut atatillugu naatsorsorneqassapput.
Taamaallaat aningaasanut inatsimmi aningaasaliissutinik atugassiissutigineqanngitsunik atugassaqarpat tapersiissuteqartoqarsinnaavoq.
Allaffissornikkut aqutsineq
Aaqqissuussinerit allaffissornikkut aqunneqarnerat Akileraartarnermut Aqutsisoqarfimmit ingerlanneqassaaq.
Qinnuteqarneq
Ikiorsiissutissat ugguuna qinnuteqaatigikkit: LINK-i
Naammagittaalliorneq
Akileraartarnermut Aqutsisoqarfiup aalajangiineri Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmut naammagittaalliuutigineqassapput.
Naammagittaalliuutit nassiunneqassapput uunga STmaalaarut@nanoq.gl