Ujaruk

Sulinal

Sulisitsisut Nalunaarsorsimaffiat

Sulisitsisut nittartakkatigut qarasaasiakkullu atortorissaarutitigut Akileraartarnermut Aqutsisoqarfimmi periarfissaat

Kalaallit Nunaani suliffeqarfiuteqaruit Inuussutissarsiummik Ingerlataqartunik Nalunaarsuiffimmi nalunaar-sorsimassaatit. Nalunaarsuinermi GER-normumik tunineqassaatit.

Suliffeqarfiutinni sulisoqarsimaguit, sulisitsisutut Sulinal-mi nalunaassaatit. Sulinal taaguutaavoq Sulisitsisut Nalunaarsorsimaffiat naalisarlugu.

Sulisitsisutut nittartagatsinni isaaffik atorsinnaavat, taaguuteqarportaaq Sulinal. Tassani periarfissat atorni-arukkit GER-normut aammalu ammarsinnaanissaanut naqittagassannik (kodeord) Akileraartarnermut Aqut-sisoqarfimmut saaffiginninnikkut piniarsinnaavutit.

Sulisitsisutut Akileraartarnermi Aqutsisoqarfiup iluani tunngasut nammineerlutit immersorlugit oqinneru-sumik suliarisinnaavatit, tassami suliassat assigiinngitsut ilarisai nammineerluni nittartakkatigut immersor-neqarsinnaasut atortorissaarutitigut eqaallisarneqarnikuuneri pissutigalugit.

 

Atortorissaarutitigut eqaallisarneqarnikuusut Sulinal-ip nittartagaani periarfissat ukuupput:

 

  1. Qaammatikkaartumik sulisuvit akissarsiaannut tunngassuteqartunik nalunaarsuineq
  2. Sulisoqarnermut akileraarutinut (AMA) qaammatikkaartumik nalunaarsuineq
  3. Siusinnerusukkut nalunaarsukkanit paasissutissanik aallersinnaaneq
  4. Sulisunut ataasiakkaanut imaluuniit sulisunut tamanut tunngasunik nalunaarusiutigereernikuusanik paasissutissanik aallersinnaaneq
  5. Sulisut aningaasarsiarisaanniit ilanngartuussisimanermut nalunaarsuinerit
  6. Qaammatikkaartumik sulisut aningaasarsiarisaanniit ilanngartuussisimanermut paasissutissanik aallersinnaaneq
  7. Sulisorisat ukiumut aningaasarsiarisimasaannik nalunaarsuineq
  8. Sulisorisat ukiumut aningaasarsiarisimasaannik nalunaarsuinermi, sulisunut ajunngitsorsiassat sulisullu akileraarutigisimasaannik nalunaarsuineq
  9. Sulisorisat ukiumoortumik aningaasarsiarisimasaannik nalunaarsoriikkanik paasissutissanik aallersinnaaneq
  10. Kontop killiffianik naatsorsuuserineqarsimasunik aallersinnaaneq
  11. Akileraarutit A-mut akiligassap aaneqarsinnaanera, Akileraarutit A-p erniai,  AMA-p erniai, A- akitsuut kiisalu taakkununnga attuumassutilinnik aningaasarsianit ilanngartuussinermi akiligassap aaneqarsinnaanera
  12. Ernianut uppernarsaammik akileraarutit A-p erniarisaanik AMA-llu erniarisaanik naatsorsuuserineqarsimasut allattorsimaffianik aallersinnaaneq
  13. Akiligassaqarfimmut sippuutinik ilanngaassisimanermut allakkanik qularnaveeqqutitullu ilanngaassisimanermut allakkanik aallersinnaaneq
  14. Sulinal-mut tunngasunik ilitsersuutinik assigiinngitsunik aallersinnaaneq

Oktoberi 2014-mi nalunaarusiorfiup nalaani, 2015-mut sulisorisannut akileraartarnermut qarasaasiatigut allagartat qinnutigisinnaavatit (elektroniske skattekort). Sulinal-imi ilitsersuut taaguutilik ”Skattekortit qarasaasiatigoortut” malillugu qarasaasiatigut akileraartarnermut allagartat aaneqarsinnaapput.  

Taamatuttaaq qarasaasiatigut akileraartarnermut allagartat Sulinal nittartagaa aqqutigalugu decembari-p aallartilaarnerani 2014-mi  aaneqarsinnaanngussapput. Aanneqarsinnaanngorpata Sulianal nittartagaani kalerriutigieqarumaarpoq.

Nalornissuteqaruit allanillu paasissutissanik apeqqutissaqaruit, ilitsersuutinik Sulinal nittartagaani aallersinnaavutit, saniatigullu Sulinal-imi sulisut mail-ianut tax@nanoq.gl –mut attavigisinnaavatit imaluunnit oqarasuaat +299 34 65 10 aqqutigalugu.