Ujaruk

VVM suliffeqarfik

VVM suliffeqarfik

Sanaartukkat ilaasa avatangiisinut sunniuteqartarnerannik naliliisarneq avatangiisinillu nakkutilliinermut akiliuteqartarneq pillugit Namminersorlutik Oqartussat nalunaarutaat malillugu sanaartukkat qanoq ittuu-nerat, annertussusii inissisimaneralluunniit pissutigalugit avatangiisinut annertuumik sunniuteqartussatut naatsorsuutigineqartut VVM pillugu nassuiaateqarfigineqartassapput. Avatangiisinut sunniutaasunik pine-qarput sikumut, imermut, silaannarmut, nunamut, qaarsumut, silap pissusaanut, nunap isikkuanut, uuma-sunut naasunullu, atortulersuutinut, inuit peqqissusiannut taamatullu inuit tamatuminnga atuinerannut sunniutaasut.

Suliffeqarfiit sanaartukkallu VVM pillugu malittarisassanut ilaatinneqartut Atortut ilaasa avatangiisinut sun-niutaannik nalilersuineq aamma avatangiisinik nakkutilliinermut akiliutit pillugit Namminersorlutik Oqartus-sat nalunaarutaat nr. 5, 27. marts 2013-meersumi ilanngussani 1-imi 2-milu allassimapput.

  • Suliniutini angisuuni illuliortiternernik sanaartornernillu suliassat pillugit  Inatsisartut inatsisaat nr. 25, 18. december 2012-imeersoq malillugu (VVM) suliniutini angisuuni VVM pillugu nassuiaateqarti-tsisoqartassaaq

Aatsitassanik iluaquteqarnermi malittarisassat immikkut ittut atuupput, aatsitassat pillugit inatsit takuuk.. Erseqqinnerusumik paasiniaavigineqarsinnaavoq Inuussutissarsiornermut, Aatsitassanut Suliffeqarnermullu Naalakkersuisoqarfik.