Ujaruk

Nunaminertamik atugassiineq sanaartornissamullu akuersissuteqarneq

Kalaallit Nunaanni nuna ataatsimoorullugu pigineqarsinnaatitaavoq.  Taamaammat nunaminertat pisiari-neqarsinnaanatilluunniit tunineqarsinnaanngillat. Nunaminertaq sanaartornermut, inissiisarnermut assi-gisaannullu atorsinnaassagaanni nunaminertamik atugassiisoqartussaavoq. Nunaminertamik atugassiineq nunamik atuisinnaatitsissutaavoq.

Pilersaarusiortarnermut inatsimmi tunngavissat malillugit nunaminertamik atuisinnaatitaaneq akeqanngi-laq. Taamaattoq umiarsualiveqarfinnut aatsitassarsiorfinnullu atatillugu taamaattoqanngissinnaasarpoq. 

Kommunit atuisinnaatitaanerup allaffissornikkut aqunneqarnera suliassaraat.  Kommunini tamani kommu-nimut pilersaarut suliarineqartarpoq tassani takuneqarsinnaalluni sumiiffiit suut assersuutigalugu suliffis-suaqarnermut, inuussutissarsiummut inissianulluunniit namminersorluni inuussutissarsiornissamut periar-fissiilluni atugassanngortitaasimanersut. 


Nunaminertamik atugassiineq sanaartornissamullu akuersissuteqarneq:

Nunaminertamik atugassinneqarnissamik kissaateqarneq kommunimut najukkamut nassiunneqassaaq taas-suma aalajangissammagu akuersissuteqartoqassanersoq. Ujaasiffissamut isertarfikkut ugguuna qinnuteqar-toqarsinnaavoq NunaGIS. Illoqarfinni sanaartorfissamut nunaminertamik atugassiisoqartarpoq nutaamik sa-naartukkat iluanut inissiffissaannik. Malugiuk atuisinnaatitaanermut taamaallaat ilaammat nunaminertaq atorneqalersoq, sanaartorfigineqartup ilaa sanaartorfigineqanngitsoq pineqarani.

Kalaallit Nunaanni Nunami Eqqissisimatitami nunaminertamik atugassinneqarnissamik qinnuteqaatit Naa-lakkersuisunut nassiunneqartassapput (landsplan@nanoq.gl).

Kommuni kommunimut pilersaarummi nunaminertanik atugassanngortitsisarnermut nunaminertanillu atui-nermut erseqqinnerusunik aalajangersakkanik aalajangersaasassaaq.

 

Kommuninut pilersaarutit kommunit nittartagaanni takukkit:

Qaasuitsup Kommunia

Qeqqata Kommunia

Kommuneqarfik Sermersooq

Kujalleq Kommunia 

 

Nutaamik sanaartortoqalersinnagu kommunimut pineqartumut sanaartornissamut akuersissummik qinnu-teqartoqartassaaq. Kalaallit Nunaanni Nunami Eqqissisimatitami sanaartornissamut akuersissummik qinnu-teqarniaraanni qinnuteqaat Naalakkersuisunut nassiunneqartassaaq.

Annertunerusunik paasissutissarsiniarit ukunani kommunit nittartagaat aamma Byginfo.gl