Ujaruk

Takornariartitsineq

Takornariartitsinerup siuarsarnissaanut annertuunik piukkunnaatit tapersersornissaat, aammalu Kalaallit Nunaanni takornariartitsineq napatitsisuullunilu siunissamut qularnaatsutut inuussutissarsiorfiunissaa Naalakkersuisut naalakkersuinermikkut anguniagaraat.

Takornariartitsinermik suliassaqarfiup siuarsarnissaanut iliuuserisat piffissami 2016-imit 2020-p tungaanut atuuffeqartumi Naalakkersuisut periusissiaanni 

Takornariartitsinermik Kalaallit Nunaanni ineriartortitsineq: Suut iliuusaasariaqarpat?”-miipput.


Siunnersuisarneq

Visit Greenland A/S tassaavoq Kalaallit Nunaanni takornariartortitsinerup ineriartortinnissaanut akisussaaffeqartutut Kalaallit Nunaanni nunami namminermi takornariartitsinermut siunnersuisooqatigiit. Ingerlatseqatigiiffiup siunertaa tassaavoq takornariartitsinemrut Kalaallit Nunaanni nunami namminermi ilisimasanik ingerlatsivigisaatut atuunnissaq, Kalaallit Nunaata takornariat tikiffissaattut ilisarnaquserlugulu siuarsarnerata sulissutiginissaa, aammalu Kalaallit Nunaanni takornariartitsinermik inuussutissarsiorfiup aamma takornariartitsinermik suliaqarnerup siuarsarnissaanik ineriartortinnissaanillu sulissuteqarnissaq. Tamakku saniatigut ingerlatseqatigiiffiup siunertaa tassaavoq misigisaqartitsinermik inuussutissarsiorfiup siuarsarlugulu ineriartortinnissaa, ilanngullugu kusanartuliornermik inuussutissarsiorfik.

Aammattaaq aallartitaqartartunut tapersiisarnernut siunnersuisarnernullu uani aqqutissaq nassaarineqarsinnaavoq.