Ujaruk

Suli.gl – Kalaallit Nunaanni tamarmi suliffissanut nittartagaq

Suliffissanut nittartagaq suli.gl nunatsinni innuttaasunut suliffeqarfinnullu tamanut atuuppoq, tassanilu suliffiit sorliit inuttaqannginnersut, nunami sumiinnersut, suliffimmilu suut piumasaqaataanersut misissorneqarsinnaapput.

Suliffissanut nittartakkap nunami sulisitsisut nunami suliffissaaleqisut sunik piginnaasaqarnerannik pitsaasumik tamanik takussutississavai. Inuit aalajangersimasut piginnaasallu suliffeqarfittut ujartuisinnaavutit, suliffissarsiortorlu suli.gl aqqutigalugu toqqaannartumik mailikkut/nalunaaruteqarnikkut attaveqarfigisinnaallugu.
suli 

Nuna tamakkerlugu pisortat suliffissanut nittartakkakkut pilersitsinerat pingaartumik Kalaallit Nunaanni nunap immikkoortuinik, sumi suliffissaqarneranik aammalu kalaallinik sulisussanik isumaginnissinnaasunik paasiniaanissamut ajornartitsisinnaasumut aaqqiissutaassaaq. Taamaattumik nunatsinni suliffeqarnermi unammilligassat assigiinngitsut arlallit aaqqinneqarnissaannut taanna pingaaruteqarluinnarpoq:

  • Atorfinnik inuttaqanngitsunik sulisunut nunatsinneersunut suliffissarsiortunut innersuussinissamik qulakkeerinninneq 
  • Suliffissarsiortut piginnaasaannik CV-mik paasissutissaasivik aqqutigalugu sulisitsisunut soqutiginnittunut innersuussineq
  • Inuussutissarsiutini ass. siuariartorfiusuni suliffiit nutaat, nuttarnerulersitsiniarnermut ikiorsiissutit, piginnaanngorsaqqiineq il.il. suliffissarsiortunut attuumassutilinnik paasissutissiineq
  • Sulisitsisunut sulisussanik tikisitsinissamut akuersissummik qinnuteqartunut suleriaatsimik pisariillisaaneq