Ujaruk

Nuttarnerulersitsiniarluni ikiorsiissutit

Nuttarnerulernissamut ikiorsiissutit pillugit najukkanni Majoriaq attaveqarfigissavat

Sumiiffimmi nuuffigisassami najugaqarfeqarnissaq aalajangiisuulluni ikiorsiissutit nutsernermut tapiissutitut tunniunneqarsinnaapput.

Nuttarnerulernissamut ikiorsiissutit pineqassappata makkuninnga piumasaqaateqartoqarpoq:

  • nuunnermi sulisuniipput nuunnerminnut atatillugu akiliunneqarsinnaariinngitsut
  • qinnuteqartup inissiaatileqatigiiffimmit inimik tunineqarnissaminut atsioqateqarsimanissaa, imaluunniit nuuffiginiakkamini nammineerluni ineqarnera
  • nuunnerup kingunerisaanik nuuffissami suliffimmik ataavartumik neqeroorfigineqarnerup akuerineqarsimanissaa
  • sulisinnaasoq atorfissaqartinneqartutut uppernarsarneqarsinnaasoq
  • nuuffissami piukkunnaatinik piginnaasanillu atorfissaqartinneqartunik sulisinnaasunik amigaateqartoqartoq.

Assersuutigalugu aalisakkanik suliffissuaqarfinni ukiup ilaanni taamaallaat siumut utimullu angalanernut tapiissuteqartoqarsinnaavoq. Taamaattumik ukiup ilaanni angalanermut aningaasartuutit saniatigut pigisat nuunnerannut allanulluunniit tapiissuteqartoqarsinnaanngilaq, taamaattumik ineqartitsinermut piumasaqaat aamma atuutinngilaq.