Ujaruk

Ilinniagaqarsimanngitsunut Piginnaanngorsaaqqinneq

”Ilinniagaqarsimanngitsunut Piginnaanngorsaaqqinneq” tassaavoq Naalakkersuisut Ilinniartitaanermut pilersaarutaat, ilaatigut ”suliffissaaleqilernissaq annikillisinniarlugu peqatigisaanillu sanaartornermi, takornariaqarnermi aatsitassarsiornermilu inuussutissarsiutit siuariartut iluini aamma kommunini ulluunerani paaqqinnittarfinni sulisinnaasunik ujartuineq akueriniarlugu inuit inuussutissarsiutini ingerlanerliortuni piginnaanngorsaqqinnermut ilaalernissannik” aallussisoq.

Ilinniagaqarsimanngitsunut Piginnaanngorsaaqqinnermi immikkoortitani pingaarnertut sammineqartut taamaalillutik tassaapput ilinniagaqarsimanngitsut, suliffissaaleqisut imaluunniit inuussutissarsiutini ingerlanerliortuni sulisut, kiisalu inuit immikkoortuni siunissami siuariartornissaannik naatsorsuutigineqartuni pikkorissarnissamik pisariaqartitsisut.

Piginnaanngorsaaqqinneq Ilinniagaqarsimanngitsunut Piginnaanngorsaaqqiinermi pikkorissarnerit arlallit aqqutigalugit ingerlanneqassaaq, nalinginnaasumik taakku ilisarnaatigissallugu:

  • Ilinniagaqarsimanngitsunut Piginnaanngorsaaqqinnermi pikkorissartitsinerit annertunerusumik modulikkaatut iluarsaassatut pikkorissartitsinertut neqeroorutigineqartassapput, tassaassallutik sammisanik ilinniagaqarnissaq siunertaralugu piginnaanngorsaasut. Ingerlassaq nalinginnnarmik modulinik 3-5-inik, sap. akunnerinerinik 1-2-nik sivisusseqartunik immikkoortoqartitassaaq. 
  • Ilinniagaqarsimanngitsunut Piginnaanngorsaaqqinnermi pikkorissartitsinernut nalunaarneq akuerineqarnerlu najukkami suliffissarsiuussisarfikkut pisassaaq.
  • Aningaasartuutit tamarmik nunatta Karsianit akilerneqatassapput, tassunga ilanngullugu aamma pikkorissartut pikkorissarnermi ajunngitsorsiassaat.